ബഹ്റൈൻ കേരളീയ സമാജം ഏകപാത്ര നാടകോത്സവം സംഘടിപ്പിക്കുന്നു
ബഹ്റൈൻ കേരളീയ സമാജം സ്‌കൂൾ ഓഫ് ഡ്രാമയുടെ ആഭിമുഖ്യത്തിൽ ഫെബ്രുവരി 6, 7, 8 തിയ്യതികളിലായി “ ഏകപാത്ര നാടകോത്സവം സംഘടിപ്പിക്കുന്നു. എട്ട് നാടകങ്ങളാണ് മൂന്ന് ദിവസങ്ങളിലായി നടക്കുന്ന ഈ ഫെസ്‌റ്റിവലിനായി അണിയറയിൽ ഒരുങ്ങുന്നതെന്ന് സംഘാടകർ അറിയിച്ചു. നാടകോത്സവത്തിൻ്റെ ആദ്യദിനമായ ഫെബ്രുവരി 6 ചൊവ്വാഴ്‌ച വൈകീട്ട് 8 മണിക്ക് അനീഷ് മൂപ്പൻ രചനയും സംവിധാനവും നിർവഹിക്കുന്ന “പന്ത്രണ്ട് സമം ഒന്ന് “എസ് കെ നായരുടെ രചനയിൽ നിഖിൽ കരുണാകരൻ സംവിധാനം ചെയ്യുന്ന “കന്മഷം”, കെ.വി. ശരത് ചന്ദ്രൻ രചനയും ഷാഗിത് രമേഷ് സംവിധാനം നിർവഹിക്കുന്ന Blood, The Witness എന്നീ മൂന്ന് നാടകങ്ങളാണ് അരങ്ങിലെത്തുന്നത്. രണ്ടാം ദിനമായ ഫെബ്രുവരി 7 ബുധനാഴ്‌ച വൈകിട്ട് 8 മണിക്ക്, അനിഷ് നിർമ്മലൻ രചന നിർവഹിച്ച് നജിബ് മിരാൻ സംവിധാനം ചെയ്യുന്ന “സ്‌റ്റാറിങ്ങ് സുമിത്ര” ജയൻ മേലത്തിൻ്റെ രചനയിൽ ഹരീഷ് മേനോൻ സംവിധാനം ചെയ്യുന്ന “ആവാരാഹും” എന്നീ രണ്ടു നാടകങ്ങളും അവതരിപ്പിക്കപ്പെടുന്നു.
നാടകോത്സവത്തിൻ്റെ അവസാനദിവസമായ ഫെബ്രുവരി 8 വ്യാഴാഴ്ച വൈകീട്ട് 8 മണിക്ക്, ഒ. ഹെൻട്രിയുടെ രചനക്ക് വിഷ്ണു നാടകഗ്രാമം രംഗഭാഷ്യമൊരുക്കുന്ന “പോലീസുകാരനും സ്തോത്രഗീതവും” എ. ശാന്തകുമാറിൻ്റെ രചനയിൽ ബേബിക്കുട്ടൻ കൊയിലാണ്ടി സംവിധാനം ചെയ്യുന്ന “ ഏകാകിനി” കാളിദാസ് പുതുമനയുടെ രചനയിൽസതീഷ് പുലാപ്പറ്റ സംവിധാനം ചെയ്യുന്ന “ദക്ഷിണായനം” എന്ന നാടകങ്ങളും അരങ്ങേറും. പരമാവധി ഇരുപത് മിനിറ്റ് ദൈർഘ്യം മാത്രമുള്ള എട്ട് നാടകങ്ങളിലൂടെ ശക്തരായ എട്ട് നടി നടന്മാരാണ് വ്യത്യസ്തങ്ങളായ പ്രമേയങ്ങളുമായി പ്രേക്ഷർക്ക് മുന്നിൽ എത്തുന്നത്. എല്ലാ കലാസ്വാദകരെയും പരിപാടിയിൽ പങ്കെടുക്കാൻ ക്ഷണിക്കുന്നതായി കേരളീയ സമാജം ഭാരവാഹികൾ അറിയിച്ചു.
asfdasf
