റഹ്മാനിയ്യ ബഹ്റൈന് ചാപ്റ്റര്‍ ഭാരവാഹികളെ തെരഞ്ഞെടുത്തു
കേരളത്തിലെ പ്രഥമ ഇസ്ലാമിക മത ഭൗതിക സമന്വയ വിദ്യാഭ്യാസ സംവിധാനമായ കടമേരി റഹ്മാനിയ്യയുടെ വിദ്യാഭ്യാസ മുന്നേറ്റം ഏറെ ശ്രദ്ധേയമാണെന്ന് സമസ്ത ബഹ്റൈന് ചാപ്റ്റര്‍ പ്രസിഡന്റ് സയ്യിദ് ഫഖുറുദ്ദീന്‍ പൂക്കോയ തങ്ങള്‍ പറഞ്ഞു. റഹ്മാനിയ്യ ബഹ്റൈന് ചാപ്റ്റര്‍ ജനറല്‍ ബോഡി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സംഗമത്തില്‍ ബഹ്റൈന് സന്ദര്‍ശനത്തിനെത്തിയ കോളേജ് സെക്രട്ടറിയും കടമേരി ഖാളിയുമായ ചിറക്കല്‍ ഹമീദ് മുസ്ലിയാര്‍ക്ക് സ്വീകരണം നല്‍കി. ടിപ്ടോപ്പ് ഉസ്മാന്‍ സാഹിബ് അധ്യക്ഷത വഹിച്ചു. ബഹ്റൈന് കെ.എം.സി.സി ഓര്‍ഗനൈസിംഗ് സെക്രട്ടറി കെ.പി മുസ്തഫ, ഗഫൂര്‍ കൈപ്പമംഗലം, ശരീഫ് വില്ല്യാപ്പള്ളി, ഒ.കെ ഖാസിം തുടങ്ങിയവര്‍ സംസാരിച്ചു. ചടങ്ങിൽ റഹ്മാനിയ്യ ബഹ്റൈന് ചാപ്റ്റര്‍ ഭാരവാഹികളെ തെരഞ്ഞെടുത്തു.
മുഖ്യ രക്ഷാധികാരിയായി സയ്യിദ് ഫഖ്‌റുദ്ദീന്‍ തങ്ങളെയും, രക്ഷാധികാരികളായി ഹബീബുറഹ്മാന്‍ , എന്‍.കെ മൂസ ഹാജി, കനോത്ത് അബ്ദുല്ല, ചാലിയാടന്‍ ഇബ്‌റാഹീം ഹാജി, അമ്മദ് ഹാജി ആയഞ്ചേരി, റഫീഖ് നാദാപുരം, ഇബ്‌റാഹീം മേമുണ്ട, അഷ്‌റഫ് കാട്ടില്‍ പീടിക, കൂടത്തില്‍ മൂസ ഹാജി എന്നിവരെയും തെരഞ്ഞെടുത്തു. മറ്റു ഭാരവാഹികൾ അസീസ് കുറ്റിയില്‍ (പ്രസിഡന്റ്), ഖാസിം റഹ്മാനി (വര്‍ക്കിംഗ് പ്രസിഡന്റ്), എ.പി ഫൈസല്‍ വില്ല്യാപ്പള്ളി, ഹമീദ് കോടച്ചാം വീട്ടില്‍, റിയാസ് തരിപ്പൊയില്‍, ഹമീദ് താനിയുള്ളതില്‍, തുമ്പിയോട്ടുമുൽ കുഞ്ഞബ്ദുല്ല ഹാജി, മുഹമ്മദ് സവാദ് ആയഞ്ചേരി, ഇസ്മായില്‍ എളയടം, ജസീര്‍ , നിസാര്‍ അഴിയൂര്‍ (വൈസ് പ്രസിഡന്റുമാര്‍), ഇസ്ഹാഖ് പി.കെ വില്ല്യാപ്പള്ളി (ജനറൽ സെക്രട്ടറി), നൗഷാദ് കുനിങ്ങാട്, ഇസ്മായില്‍ റഹ്മാനി വേളം, ഇല്ല്യാസ് മുറിച്ചാണ്ടി, സഈദ് കാട്ടില്‍, ഷൗക്കത്ത് കുമ്മങ്കോട്, നൗഫല്‍ കടമേരി, മുസ്തഫ കുറ്റിയില്‍ (ജോയിന്റ് സെക്രട്ടറി), ഉസ്മാന്‍ ടിപ്ടോപ്പ് (ട്രഷറര്‍) എന്നിവരെ തെരഞ്ഞെടുത്തു. എ.പി ഫൈസല്‍ വില്ല്യാപ്പള്ളി സ്വാഗതവും ഇസ്ഹാഖ് പി.കെ നന്ദിയും പറഞ്ഞു.
