ഓൺലൈൻ ബോധവത്കരണ കാന്പയിൻ നടത്തി
മനാമ: വേനൽകാലത്ത് തൊഴിൽ അപകടങ്ങളും, രോഗങ്ങളും കുറയ്ക്കുന്നതിനും, രോഗ പ്രതിരോധത്തിന്റെ പ്രാധാന്യത്തെകുറിച്ചും വിശദീകരിച്ച് തൊഴിൽ വകുപ്പ് അസിസ്റ്റന്റ് അണ്ടർസെക്രട്ടറി അഹമ്മദ് ജാഫർ അൽ−ഹൈകിയുടെ നേതൃത്വത്തിൽ ഇന്ത്യൻ കമ്മ്യൂണിറ്റി റിലീഫ് ഫണ്ടിന്റെ സഹകരണത്തോടെ ഓൺലൈൻ ബോധവത്കരണ കാന്പയിൻ നടത്തി. അൽഗാന കോൺട്രാക്റ്റിംഗ് ക്യാമ്പ്, സെബാർകോ ക്യാമ്പ് എന്നീ 2 ലേബർ ക്യാന്പുകളിലെ തൊഴിലാളികളും പ്രചരണ പരിപാടിയിൽ പങ്കെടുത്തു.
ഓൺലൈൻ അവതരണത്തിനുശേഷം, ഐസിആറ്എഫ് അംഗങ്ങൾ വീണ്ടും ഉപയോഗിക്കാവുന്ന 200 മാസ്കുകൾ, ആന്റി ബാക്ടീരിയൽ സോപ്പുകൾ, കോവിഡ് 19നെ പറ്റിയുള്ള ബോധവത്കരണ ഫ്ളൈയറുകൾ എന്നിവ രണ്ട് ലേബർക്യാന്പുകളിലും വിതരണം ചെയ്തു.


