ലാല്‍സന്‍ ജീവിതത്തിലേക്ക് ; ഇനി ഒരു വര്‍ഷത്തെ ചികിത്സ
നമസ്ക്കാരം പ്രിയമുള്ളവരേ ഇന്ന് ഏറെ സന്തോഷം ഉള്ള ദിവസമാണ് എറണാകുളം ലേക്ഷോർ ഹോസ്പിറ്റലിൽ മൂന്നാം ഫ്ലോറിൽ മുന്നൂറ്റി ഒന്നാം നമ്പർ ബെഡിൽ കിടക്കുമ്പോൾ എന്റെ പ്രിയപ്പെട്ട ഡോക്ടർ അനു സൂസൻ പറഞ്ഞ വാക്കുകൾ ഏറെ സന്തോഷിപ്പിക്കുന്നു..... കാൻസർ എന്ന എന്നിലെ രോഗം പൂർണമായും എടുത്തു മാറ്റാവുന്ന സ്റ്റേജിൽ എത്തിയിരിക്കുന്നു. ഇനി ആറു മാസമോ അല്ലെങ്കിൽ ഒരു വർഷമോ തുടരുന്ന ചികിത്സയിലൂടെ രോഗം പൂർണമായും എടുത്തു മാറ്റാൻ കഴിയും എന്ന് ഡോക്ടർ ഉറപ്പു നൽകുന്നു. എന്നാൽ വെള്ളമോ, ഉമിനീരോ ഭക്ഷണമോ ഇറക്കാൻ സാധിക്കുന്നില്ല എന്നുള്ളത് വലിയ ഒരു പ്രോബ്ലം ആയി തുടരുന്നത് അതിനു തുടർച്ചയായി അന്നനാളം വികസിപ്പിക്കാൻ തയ്യാറെടുക്കുകയാണ് ഇപ്പോൾ എല്ലാ മാസവും കുറേശ്ശേ ആയി അന്നനാളം വികസിപ്പിക്കും ഇന്ന് അതിന്റെ രണ്ടാം ഘട്ടം ട്രീറ്റ്മെന്റ് ചെയ്യും അങ്ങനെ ഒരു നാലോ അഞ്ചോ മാസത്തിനു ശേഷം വെള്ളം ഇറക്കാൻ സാധിക്കും എന്നാണ് വിശ്വസം. അനസ്തേഷ്യ നൽകി ഓർമ കെടുത്തിയാണ് ഈ ട്രീറ്റ്മെന്റ് ചെയ്യുന്നത് അതും വിജയമാകും എന്ന് എനിക്ക് വിശ്വാസമുണ്ട്. ഒപ്പം ഇപ്പോൾ എനിക്ക് ഒറ്റയ്ക്ക് എല്ലാ കാര്യങ്ങളും ചെയ്യുവാനും, എഴുന്നേറ്റു നടക്കുവാനും എല്ലാം സാധിക്കുന്നു ഞാൻ പഴയ ഊർജസ്വലതയോടെ ആ പഴയ പ്രസരിപ്പോടെ തിരിച്ചു വരികയാണ്. നിങ്ങൾ തന്ന സ്നേഹവും, സഹായവും കൊണ്ട് മാത്രമാണ് എനിക്ക് ഇപ്പോൾ ചികിത്സ നല്ല രീതിയിൽ നടത്തുവാൻ കഴിയുന്നതും ആരോഗ്യം വീണ്ടെടുക്കാൻ കഴിയുന്നതും..... ഇനി ഭക്ഷണം കഴിച്ചു തുടങ്ങാൻ കാത്തിരിക്കുന്നു അതു വരെ വയറിൽ ഇട്ട ട്യൂബിൽ കൂടി തന്നെ ലിക്വിഡ് രൂപത്തിൽ ആഹാരം തരും എങ്കിലും നടക്കുവാനും, സ്വയം എന്റെ കാര്യങ്ങൾ ചെയ്യുവാനും എല്ലാം കഴിയും ഒപ്പം കാൻസർ രോഗം ഇനിയുള്ള ട്രീറ്റുമെന്റിലൂടെ മുഴുവനായും എടുത്തു മാറ്റാൻ സാധിക്കും എന്നുള്ളതും സന്തോഷം നൽകുന്നു. എല്ലാവരും സഹായിച്ചു സ്നേഹിച്ചു എല്ലാവർക്കും നന്ദി. സ്നേഹം മാത്രം ലാൽസൺ pullu
