മലപ്പുറം, ഇടുക്കി ജില്ലകളിലെ റെഡ് അലർട്ട് പിൻവലിച്ചു
തിരുവനന്തപുരം: കാലാവസ്ഥ നിരീക്ഷണ കേന്ദ്രം നൽകിയ ന്യൂനമർദ്ദ മുന്നറിയിപ്പിനെ തുടർന്ന് മലപ്പുറം, ഇടുക്കി ജില്ലകളിൽ പ്രഖ്യാപിച്ച റെഡ് അലർട്ട് പിൻവലിച്ചു. പകരം ഓറഞ്ച് അലേർട്ട് നൽകിയിട്ടുണ്ട്‌ ശനിയാഴ്ച മുതൽ ചൊവ്വാഴ്ചവരെ കേരളത്തിൽ അതിശക്തമായ മഴ പെയ്യുമെന്നായിരുന്നു കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഞായറാഴ്ച 24 മണിക്കൂറിൽ 21 സെന്റീമീറ്റർവരെ പെയ്യാം. ഇത് കണക്കിലെടുത്താണ് ഞായറാഴ്ച ഇടുക്കിയിലും മലപ്പുറത്തും റെഡ് അലർട്ട് പ്രഖ്യാപിച്ചത്. പത്തനംതിട്ട, വയനാട് ജില്ലകളിൽ ഞായറാഴ്ച വരെയും പാലക്കാട്ട് തിങ്കളാഴ്ചവരെയും ഓറഞ്ച് അലര്‍ട്ട് പ്രഖ്യാപിച്ചിരുന്നു.
