കുറഞ്ഞ വരുമാനക്കാർക്ക് അനുഗ്രഹമായി നോന്പ് തുറകൾ
മനാമ : കുറഞ്ഞ വരുമാനക്കാരായ തൊഴിലാളികൾക്ക് അനുഗ്രഹമായി മാറുകയാണ് ബഹ്റൈനിലെ സമൂഹ നോന്പ്തുറകൾ. വിവിധ സംഘടനകളുടെയും മസ്ജിദുകളുടെയും ആഭിമുഖ്യത്തിൽ ജാതിമത ഭേദമന്യേ ഒരുക്കുന്ന നോന്പ് തുറകളിൽ ദിനംപ്രതി ആയിരക്കണക്കിന് ആളുകൾ എത്തിച്ചേരുന്നുണ്ട്. മലയാളി സമൂഹത്തിന്റെ നിരവധി സംഘടനകളും പല സ്ഥലങ്ങളിൽ ദിവസേന നോന്പ് തുറക്കൽ സംഘടിപ്പിച്ചുവരികയാണ്.
പല കന്പനികളിലും കുറഞ്ഞ വരുമാനക്കാരായ തൊഴിലാളികൾ ഖുബ്ബൂസും ലേബർ ക്യാന്പുകളിൽ നിന്ന് ലഭിക്കുന്ന ഭക്ഷണവും കൊണ്ട് ജീവിതം തള്ളി നീക്കുന്പോൾ നോന്പ് തുറകളിൽ വിവിധതരം ഭക്ഷണ പാനീയങ്ങളും പഴവർഗ്ഗങ്ങളും വ്യത്യസ്ത തരത്തിലുള്ള നോന്പ് വിഭവങ്ങളും വിതരണം ചെയ്യുന്നത് അവർക്ക് അനുഗ്രഹമാകുന്നു. പല ക്യാന്പുകളിലും സംഘടനകൾ ഭക്ഷണം എത്തിച്ചു കൊടുക്കുകയും ചെയ്യുന്നുണ്ട്. സംഘടനകളുടെ ആഭിമുഖ്യത്തിൽ മതസൗഹാർദ്ദ സമ്മേളനങ്ങളും നടന്നു വരുന്നു. ബഹ്റൈനിലെ വിവിധ സംഘടനാ നേതാക്കൾക്കും പൊതു പ്രവർത്തകർക്കും കൂടിച്ചേരാനും സൗഹൃദങ്ങൾ ഊട്ടിയുറപ്പിക്കാനുള്ള വേദികളും കൂടിയാണ് ഇഫ്താർ സംഗമങ്ങൾ.
ഇഫ്താർ സംഗമങ്ങളിൽ ബാക്കി വരുന്ന ജ്യൂസുകളും ഭക്ഷണ സാധനങ്ങളും പെട്ടെന്ന് തന്നെ ലേബർ ക്യാന്പുകളിലും പാവപ്പെട്ട തൊഴിലാളികൾക്കും എത്തിച്ചു കൊടുക്കാനും ചില സന്നദ്ധ സംഘടനകൾ മുന്നോട്ട് വന്നതും ശ്രദ്ധേയമാണ്. എന്നിരുന്നാലും ചില സ്ഥലങ്ങളിലെങ്കിലും ഭക്ഷണ ധൂർത്ത് ഉണ്ടാകുന്നുണ്ട്. കഴിയുന്നത്ര ഭക്ഷണം പാഴാക്കാതെ നോക്കാനും ബാക്കി വരുന്ന ഭക്ഷണങ്ങൾ ആവശ്യക്കാർക്ക് എത്തിക്കുന്നതിനും സംഘാടകർ പ്രത്യേകം ശ്രദ്ധിക്കണമെന്നും പണ്ധിതന്മാർ അഭ്യർത്ഥിച്ചു.
