എടിഎം കാർഡുകളുടെ കാലാവധി നീട്ടി സൗദി
റിയാദ്: കാലഹരണപ്പെട്ടതോ കാലഹരണപ്പെടുന്നതോ ആയ എടിഎം കാർഡുകളുടെ കാലാവധി നീട്ടി സൗദി അറേബ്യ. കാലാവധി ജൂൺ 2 വരെ നീട്ടണമെന്നാണ് സൗദി അറേബ്യൻ മോണിറ്ററി അതോറിറ്റി(സമ) ബാങ്കുകളോട് നിർദ്ദേശിച്ചിരിക്കുന്നത്.
തിരിച്ചറിയൽ രേഖകൾ കാലഹരണപ്പെടുന്ന അക്കൗണ്ടുകൾ മരവിപ്പിക്കുന്നതു നിർത്തി വയ്ക്കാനും നിർദ്ദേശിച്ചിട്ടുണ്ട്. നിഷ്ക്രിയ അക്കൗണ്ടുകളുടെ കാര്യത്തിലും ഈ നിർദ്ദേശം ബാധകമാണ്. കൊറോണ വൈറസ് രോഗ വ്യാപനത്തിന്റെ പശ്ചാത്തലത്തിൽ ബാങ്കിംഗ് സേവനങ്ങൾ ലഭിക്കുന്നതിലുള്ള ബുദ്ധിമുട്ട് ഒഴിവാക്കുന്നതിന്റെ ഭാഗമായാണ് സമ ഇത്തരമൊരു തീരുമാനമെടുത്തത്.
