റെക്കോർഡുകളിൽ വെറും പൂജ്യം: ഗുജറാത്തിലെ ന്യൂനപക്ഷ പദ്ധതികളിൽ കേന്ദ്രത്തിന്റെ വലിയ വെട്ടിപ്പ്!
ഷീബ വിജയൻ
കേന്ദ്ര സർക്കാരിന്റെ പ്രധാനമന്ത്രി ജൻ വികാസ് കാര്യക്രമം (പി.എം.ജെ.വി.കെ) പദ്ധതിക്ക് കീഴിൽ കഴിഞ്ഞ അഞ്ച് സാമ്പത്തിക വർഷങ്ങളിലായി ഗുജറാത്തിന് ഒരു രൂപ പോലും അനുവദിച്ചിട്ടില്ലെന്ന് രാജ്യസഭയിൽ വെച്ച കണക്കുകൾ വ്യക്തമാക്കുന്നു. ന്യൂനപക്ഷ വിഭാഗങ്ങളുടെ ക്ഷേമത്തിനും അടിസ്ഥാന സൗകര്യ വികസനത്തിനുമായി അസം, കർണാടക, ഉത്തർപ്രദേശ് തുടങ്ങിയ മറ്റ് പല സംസ്ഥാനങ്ങൾക്കും വലിയ തുക അനുവദിച്ചപ്പോഴാണ് ഗുജറാത്തിന് ഈ തിരിച്ചടി നേരിട്ടത്. മുൻകൂട്ടി നിശ്ചയിച്ച ക്വാട്ട അടിസ്ഥാനത്തിലല്ല, മറിച്ച് സംസ്ഥാനങ്ങൾ സമർപ്പിക്കുന്ന പദ്ധതി നിർദ്ദേശങ്ങളുടെ കൃത്യത പരിശോധിച്ചാണ് ഫണ്ട് അനുവദിക്കുന്നതെന്നാണ് ന്യൂനപക്ഷ മന്ത്രാലയത്തിന്റെ വിശദീകരണം. പദ്ധതി ആരംഭിച്ചതിന് ശേഷം രാജ്യത്തുടനീളം 8.59 ലക്ഷത്തിലധികം പദ്ധതി യൂണിറ്റുകൾ പൂർത്തിയായപ്പോൾ ഗുജറാത്തിൽ ആകെ 82 യൂണിറ്റുകൾ മാത്രമാണ് പൂർത്തിയായത്. ഇത് ദേശീയ ശരാശരിയുടെ 0.01 ശതമാനം മാത്രമാണ്.
cddsds
