ഡൽഹിയിൽ കനത്ത മഴ: ഓറഞ്ച് അലർട്ട് പ്രഖ്യാപിച്ചു; വിമാന സർവീസുകളെ ബാധിച്ചു
ഷീബ വിജയൻ
ഡൽഹിയിൽ ശക്തമായ കാറ്റോടും ഇടിമിന്നലോടും കൂടിയ കനത്ത മഴയ്ക്ക് സാധ്യതയുള്ളതിനാൽ കേന്ദ്ര കാലാവസ്ഥ നിരീക്ഷണ കേന്ദ്രം ഓറഞ്ച് അലർട്ട് പ്രഖ്യാപിച്ചു. മഴയെത്തുടർന്ന് പലയിടത്തും വെള്ളക്കെട്ട് രൂപപ്പെട്ടു. കനത്ത മഴ വിമാന സർവീസുകളെ സാരമായി ബാധിച്ചിട്ടുണ്ട്; ഇതുവരെ 357 സർവീസുകളെ ബാധിക്കുകയും 26 വിമാനങ്ങൾ റദ്ദാക്കുകയും 15 എണ്ണം വഴിതിരിച്ചുവിടുകയും ചെയ്തു. തെക്കൻ ഡൽഹിയിലെ ഛത്തർപൂരിലാണ് ഏറ്റവും ഉയർന്ന മഴ രേഖപ്പെടുത്തിയത്.
ഓഗസ്റ്റ് 24 വരെയുള്ള കണക്കുകൾ പ്രകാരം ഡൽഹിയിലെ സഫ്ദർജംഗ് കാലാവസ്ഥാ കേന്ദ്രത്തിൽ 12 മഴദിനങ്ങളിലായി 246.2 മില്ലീമീറ്റർ മഴ ലഭിച്ചു. ഇത് ഓഗസ്റ്റ് മാസത്തിൽ സാധാരണ ലഭിക്കേണ്ട 226.8 മില്ലീമീറ്ററിനേക്കാൾ കൂടുതലാണ്. ഓഗസ്റ്റ് 8-നാണ് ഈ മാസത്തിലെ ഏറ്റവും ഉയർന്ന മഴ (24 മണിക്കൂറിൽ 98.7 മി.മീ) രേഖപ്പെടുത്തിയത്.
sdfsdfsdfs
