ബഹ്റൈനിൽ ഈസ്റ്റർ ആഘോഷിച്ച് കോപ്റ്റിക് ഓർത്തഡോക്സ് സഭ
പ്രദീപ് പുറവങ്കര I ബഹ്റൈൻ
മനാമ: രാജ്യത്തെ സമാധാനപൂർണ്ണമായ അന്തരീക്ഷത്തിൽ ബഹ്റൈനിലെ ഈജിപ്ഷ്യൻ കോപ്റ്റിക് ഓർത്തഡോക്സ് ചർച്ച് ഈസ്റ്റർ കുർബാനയും പ്രത്യേക പ്രാർത്ഥനകളും നടത്തി. ഇന്നലെ നടന്ന ചടങ്ങുകളിൽ ബഹ്റൈനിലെ ഈജിപ്ഷ്യൻ അംബാസഡർ റിഹാം ഖലീൽ, എംബസി ഉദ്യോഗസ്ഥർ, ബഹ്റൈനി സമൂഹത്തിലെ പ്രമുഖർ എന്നിവർക്കൊപ്പം നൂറുകണക്കിന് വിശ്വാസികളും പങ്കെടുത്തു.
മതപരമായ സഹിഷ്ണുതയ്ക്കും സമാധാനപരമായ സഹവർത്തിത്വത്തിനും ബഹ്റൈൻ നൽകുന്ന പ്രാധാന്യത്തിന് സഭാ പാസ്റ്റർ റെവറന്റ് റോയ്സ് ജോർജ് മിഖായേൽ രാജാവ് ഹമദ് ബിൻ ഈസ അൽ ഖലീഫയ്ക്കും കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫയ്ക്കും നന്ദി അറിയിച്ചു. മേഖല കടന്നുപോകുന്ന സങ്കീർണ്ണമായ സാഹചര്യങ്ങളിലും സ്നേഹത്തിന്റെയും ഐക്യത്തിന്റെയും പാലങ്ങൾ നിർമ്മിക്കാനുള്ള ബഹ്റൈൻ ഭരണകൂടത്തിന്റെ ദീർഘവീക്ഷണം മാതൃകാപരമാണെന്ന് അദ്ദേഹം പറഞ്ഞു.
നിലവിലെ പ്രതിസന്ധി ഘട്ടങ്ങളിൽ സമൂഹത്തിൽ സമാധാനവും സുരക്ഷിതബോധവും നിലനിർത്താൻ കിരീടാവകാശിയുടെ നേതൃത്വത്തിലുള്ള സർക്കാർ സ്വീകരിക്കുന്ന നടപടികളെ സഭ പ്രത്യേകം പ്രശംസിച്ചു. രാജ്യത്തിന്റെ അതിർത്തികൾ കാക്കുന്ന ബഹ്റൈൻ ഡിഫൻസ് ഫോഴ്സ്, ആഭ്യന്തര മന്ത്രാലയം എന്നിവരിലെ ഓരോ അംഗത്തിനും വേണ്ടിയും, രാജ്യത്തിന്റെ സുരക്ഷയ്ക്കും സമാധാനത്തിനും വേണ്ടിയും പ്രത്യേക പ്രാർത്ഥനകൾ ചടങ്ങിന്റെ ഭാഗമായി നടന്നു.
ddfgfg
