വോയ്‌സ് ഓഫ് ആലപ്പി 'സ്നേഹ നിലാവ് 2023' ബലിപെരുന്നാൾ ആഘോഷിച്ചു
വോയ്‌സ് ഓഫ് ആലപ്പി സ്നേഹ നിലാവ് 2023 എന്ന പേരിൽ അൽ ഹിലാൽ ഹോസ്പിറ്റലിന്റെ സൽമാബാദ് ഹാളിൽ ബലിപെരുന്നാൾ ആഘോഷിച്ചു. ജോയിൻ സെക്രട്ടറി അശോകൻ താമരക്കുളം സ്വാഗതം പറഞ്ഞ പരിപാടിയിൽ പ്രസിഡന്റ് സിബിൻ സലീം അദ്ധ്യക്ഷത വഹിച്ചു. സംഘടനയുടെ രക്ഷാധികാരിയും മുതിർന്ന മാധ്യമപ്രവർത്തകനുമായ സോമൻബേബി ഉദ്ഘാടനം ചെയ്ത പരിപാടിയിൽ സംഘടനയുടെ കീഴിലുള്ള കലാകാരന്മാരുടെ കൂട്ടായ്മയായ “അരങ്ങ് ആലപ്പിയുടെ” നേതൃത്വത്തിൽ ഒപ്പനയും മറ്റു വിവിധ കല പരിപാടികളും അവതരിപ്പിച്ചു.
പ്രോഗ്രാം കോർഡിനേറ്ററും വൈസ് പ്രസിഡന്റുമായ അനസ് റഹിം ഈദ് സന്ദേശം നൽകി. മെമ്പർഷിപ് കാർഡിന്റെ വിതരണ ഉത്‌ഘാടനം ഇന്ത്യൻ സ്കൂൾ എക്സികുട്ടീവ് അംഗം അജയകൃഷ്ണൻ നിർവഹിച്ചു. രക്ഷാധികാരികൾ ആയ ഡോക്ടർ PV ചെറിയാൻ, അനിൽകുമാർ UK, ജിജു ജേക്കബ്, വൈസ് പ്രസിഡന്റ് വിനയചന്ദ്രൻ, പ്രോഗ്രാം സബ് കൺവീനർ സുമൻ സഫറുള്ള, വനിതാ വിഭാഗം സെക്രട്ടറി രശ്മി അനൂപ് എന്നിവർ ആശംസകൾ നേർന്നു. കല വിഭാഗം സെക്രട്ടറി ദീപക് തണൽ ആയിരുന്നു അവതാരകൻ.
fug
