കൊയിലാണ്ടിയിൽ ഒരു കുടുംബത്തിലെ അഞ്ചുപേർക്ക് കോവിഡ്
കോഴിക്കോട്: കൊയിലാണ്ടിയിൽ ഏഴ് പേർക്ക് കൊവിഡ് സ്ഥിരീകരിച്ചു. ഒരു കുടുംബത്തിലെ അഞ്ചുപേർക്കും രണ്ട് ഓട്ടോ ഡ്രൈവർക്കുമാണ് കൊവിഡ് സ്ഥിരീകരിച്ചത്. അതേസമയം ഇന്ന് കൊവിഡ് ബാധിച്ച് കോഴിക്കോട് രണ്ടുപേർ മരിച്ചു. കോഴിക്കോട് ബീച്ച് സ്വദേശി നൗഷാദ് (49), മലപ്പുറം കൊണ്ടോട്ടി സ്വദേശി സിറാജുദ്ദീന്‍ (72) എന്നിവരാണ് മരിച്ചത്.
ശനിയാഴ്‍ചയാണ് നൗഷാദിനെ ആശുപത്രിയിൽ പ്രവേശിപ്പിച്ചിരുന്നത്. കോഴിക്കോട് മെഡിക്കൽ കോളേജിൽ ചികിത്സയിലായിരുന്നു സിറാജുദ്ദീൻ. ഹൃദ്രോഗത്തിന് ചികിത്സയിലായിരുന്ന സിറാജുദ്ദീനെ സ്വകാര്യ ആശുപത്രിയിൽ നിന്ന് കഴിഞ്ഞ ദിവസമാണ് മെഡിക്കൽ കോളേജിലേക്ക് മാറ്റിയത്.
