അഭിഭാഷകർക്ക് താക്കീതുമായി ചീഫ് ജസ്റ്റീസ്; മര്യാദയ്ക്ക് പെരുമാറാത്ത പക്ഷം കോടതിയലക്ഷ്യ നടപടി


 

ശബരിമല യുവതീ പ്രവേശന വിഷയത്തിൽ വാദം വേഗത്തിൽ‍ തീർക്കാൻ ചീഫ് ജസ്റ്റീസ് നിർദ്ദേശിച്ചതിനെ തുടർന്ന് വാദിക്കാനായി ബഹളം വച്ച അഭിഭാഷകർക്ക് താക്കീത്. മര്യാദയ്ക്ക് പെരുമാറാത്ത പക്ഷം കോടതിയലക്ഷ്യ നടപടിയെടുക്കുമെന്ന് ചീഫ് ജസ്റ്റീസ് രഞ്ജൻ ഗോഗോയ് പറഞ്ഞു. വാദം എഴുതി നൽകാൻ കോടതി നിർദ്ദേശിച്ചു.

യുവതീ പ്രവേശനം വിഷയത്തില്‍ ഭരണഘടനയുടെ 15 (2) അനുച്ഛേദ പ്രകാരമാണ് തന്റെ വിധിയെന്ന് ജസ്റ്റിസ് റോഹിന്റൺ നരിമാൻ. തൊട്ടുകൂടായ്മ വലിയ കുറ്റമാണെന്നും അദ്ദേഹം കൂട്ടിച്ചേർത്തു. പുനഃപരിശോധന ഹർജികളും റിട്ട് ഹർജികളും സുപ്രീം കോടതി പരിഗണിക്കുന്നതിനിടെയാണ് ഇക്കാര്യം ജസ്റ്റിസ് റോഹിന്റൺ‍ നരിമാൻ വാക്കാൽ പരാമർശിച്ചത്.  ഇതുവരെ കോടതിയില്‍ ഏഴു പേരുടെ വാദം പൂര്‍ത്തിയായി.

You might also like

  • Lulu Exchange
  • Straight Forward

Most Viewed