ഏവർക്കും ഭവനം: ആദ്യ ഗഡു വിതരണം ചെയ്തു
കാഞ്ഞങ്ങാട്: പ്രധാനമന്ത്രി ആവാസ് യോജനയിൽ പെടുത്തി എല്ലാവർക്കും ഭവനം പദ്ധതിയുടെ ഭാഗമായി കാഞ്ഞങ്ങാട് നഗരസഭയിലെ ഗുണഭോക്താക്കൾക്കുള്ള ആദ്യ ഗഡു വിതരണം ചെയ്തു. പി. കരുണാകരൻ എം.പി പരിപാടി ഉദ്ഘാടനം ചെയ്തു. 530 ഗുണഭോക്താക്കൾക്കാണ് ഭവന നിർമ്മാണ ധനസഹായത്തിന്റെ ആദ്യ ഗഡു വിതരണം ചെയ്തത്.
നഗരത്തിലെ ഭവനരഹിതരായവരെ കുടുംബശ്രീ വഴിയാണ് കണ്ടെത്തിയത്. ഒരു ഗുണഭോക്താവിന് മൂന്നര ലക്ഷം രൂപ ലഭിക്കും. സ്വന്തമായി സ്ഥലം ഉള്ളവർക്കാണ് ഈ പദ്ധതിയുടെ ഗുണം ലഭിക്കുക. ചെയർമാൻ വി.വി രമേശൻ അദ്ധ്യക്ഷത വഹിച്ചു. നഗരസഭ ഉപാദ്ധ്യക്ഷ എൽ സുലൈഖ, സ്ഥിരം സമിതി അദ്ധ്യക്ഷരായ എൻ. ഉണ്ണിക്കൃഷ്ണൻ, ടി.വി ഭാഗ്യരതി, കൗൺസിലർമാരായ മുഹമ്മദ് കുഞ്ഞി, പി നാരായണൻ, നഗരസഭ സെക്രട്ടറി കെ മനോഹരൻ, തുടങ്ങിയവർ പ്രസംഗിച്ചു.
