യു. രത്തൻ കേൽക്കർ മുഖ്യമന്ത്രിയുടെ പുതിയ സെക്രട്ടറിയാകും
ഷീബ വിജയൻ
മുതിർന്ന ഐ.എ.എസ് ഉദ്യോഗസ്ഥൻ യു. രത്തൻ കേൽക്കറെ മുഖ്യമന്ത്രിയുടെ സെക്രട്ടറിയായി നിയമിക്കാൻ തീരുമാനമായി. കേരളത്തിന്റെ ചീഫ് ഇലക്ടറൽ ഓഫീസറായി മികച്ച സേവനമനുഷ്ഠിച്ചുവരവെയാണ് അദ്ദേഹം ഈ നിർണായക പദവിയിലേക്ക് നിയമിതനാകുന്നത്. മഹാരാഷ്ട്ര സ്വദേശിയും 2003 ബാച്ച് കേരള കേഡർ ഉദ്യോഗസ്ഥനുമായ രത്തൻ കേൽക്കർ നേരത്തെ സംസ്ഥാന സർക്കാരിൽ വിവിധ പ്രധാന പദവികൾ വിജയകരമായി വഹിച്ചിട്ടുള്ള വ്യക്തിയാണ്. മുഖ്യമന്ത്രി വി. ഡി. സതീശന്റെ സെക്രട്ടറിയായി ഇദ്ദേഹത്തെ നിയമിച്ചുകൊണ്ടുള്ള ഔദ്യോഗിക സർക്കാർ ഉത്തരവ് ഉടൻ പുറത്തിറങ്ങും. ഇതോടൊപ്പം റിട്ടയേർഡ് അഡീഷണൽ സെക്രട്ടറി ശ്രീകുമാർ ടി.യെ മുഖ്യമന്ത്രിയുടെ സ്പെഷ്യൽ പ്രൈവറ്റ് സെക്രട്ടറിയായും നിയമിച്ചിട്ടുണ്ട്. സീജി കടയ്ക്കൽ പ്രസ് സെക്രട്ടറിയായും റോയ് മാത്യു മീഡിയ സെക്രട്ടറിയായും ഈ പുതിയ സംഘത്തിൽ ചുമതലയേൽക്കും.
asadswsa
