നിസ്സാന് മാഗ്നൈറ്റ് വിപണിയില്
കൊച്ചി: നിസ്സാന്റെ ഏറ്റവും പുതിയ ബിഎസ് യുവിയായ നിസ്സാന് മാഗ്നൈറ്റ് വിപണിയിലെത്തി. 5,02,860 രൂപ മുതലാണ് എക്സ്-ഷോറൂം വില . 2020 ഡിസംബര് 31 വരെ പ്രത്യേക ആമുഖ ഓഫര് ലഭ്യമാണ്. ഡീലര്ഷിപ്പുകളിലും വെബ്സൈറ്റിലും പാന്-ഇന്ത്യ ബുക്കിംഗും ഇതോടൊപ്പം ആരംഭിച്ചു. ഇന്ഡസ്ട്രിയിലാദ്യമായി വെര്ച്വല് ടെസ്റ്റ് ഡ്രൈവും വെബ്സൈറ്റില് ഇപ്പോള് ലഭ്യമാണ്.
സാങ്കേതികവിദ്യയില് ഉയര്ന്ന് നില്ക്കുന്ന പുതിയ നിസ്സാന് മാഗ്നൈറ്റ് ഒരു ഗെയിം ചേഞ്ചറായിരിക്കുമെന്ന് നിസ്സാന് മോട്ടോര് ഇന്ത്യ മാനേജിംഗ് ഡയറക്ടര് രാകേഷ് ശ്രീവാസ്തവ പറഞ്ഞു.
‘മേക്ക് ഇന് ഇന്ത്യ, മേക്ക് ഫോര് ദി വേള്ഡ്’ എന്ന ആശയത്തില് ഇന്ത്യയിലാണ് വാഹനം നിര്മിച്ചിരിക്കുന്നത്. 20ല് അധികം ഫസ്റ്റ്-ക്ലാസ്, ബെസ്റ്റ്-ഇന്-സെഗ്മെന്റ് സവിശേഷതകളാണ് വാഹനത്തിനുള്ളത്. നിസാന്റെ മികച്ച സാങ്കേതികവിദ്യകള് മോഡല് ശ്രേണിയിലുടനീളം നല്കിയിരിക്കുന്നു. എക്സ്ട്രോണിക് സിവിടി, ക്രൂയിസ് കണ്ട്രോള്, 360 ഡിഗ്രി എറൗണ്ട് വ്യൂ മോണിറ്റര്, നിസാന് കണക്റ്റ് എന്നിവ ഇതില് ഉള്പ്പെടുന്നു.
സാങ്കേതിക വിദഗ്ദ്ധരായ ഉപഭോക്താക്കള്ക്കായി നിസ്സാന്റെ ഓപ്ഷണല് ‘ടെക് പായ്ക്കും അവതരിപ്പിക്കുന്നു. വയര്ലെസ് ചാര്ജര്, എയര് പ്യൂരിഫയര്, ആംബിയന്റ് മൂഡ് ലൈറ്റിംഗ്, പഡില് ലാമ്പുകള്, ഹൈ എന്ഡ് സ്പീക്കറുകള് എന്നിവ ഉള്പ്പെടുത്തിയിട്ടുണ്ട്.
