ബഹ്റൈനിൽ പുതിയ കോവിഡ് രോഗികളുടെ എണ്ണത്തിൽ നേരിയ കുറവ്
ബഹ്റൈനിൽ കോവിഡ് ബാധിതരായ പുതിയ രോഗികളുടെ എണ്ണത്തിൽ നേരിയ കുറവ് ഉണ്ട്. ബഹ്റൈനിൽ ഇന്നലെ 4,818 പേരിലാണ് കോവിഡ് രോഗം സ്ഥിരീകരിച്ചത്. ഇതോടെ ആകെ രോഗികളുടെ എണ്ണം 50,082 ആയി . നിലവിൽ 77 പേരാണ് ആശുപത്രിയിൽ കഴിയുന്നത്. ഇതിൽ 17 പേരുടെ നില ഗുരുതരമാണ്. അതേസമയം ഇന്നലെ 7,002 പേർക്ക് കൂടി രോഗമുക്തി ലഭിച്ചതോടെ ആകെ രോഗമുക്തി നേടിയവരുടെ എണ്ണം 4,15,114 ആയി. കഴിഞ്ഞ ദിവസം മരണങ്ങൾ ഒന്നും തന്നെ രേഖപ്പെടുത്തിയിട്ടില്ല.
