ബഹ്റൈനിൽ കോവിഡ് മരണങ്ങൾ 507 ആയി; ഇന്നലെ വിദേശിയായ ഇരുപതുകാരിക്കും ജീവൻ നഷ്ടമായി
മനാമ:
ബഹ്റൈനിൽ ഇന്നലെ കോവിഡ് കാരണം നാല് മരണങ്ങൾ കൂടി രേഖപ്പെടുത്തി.54, 69 വയസ് പ്രായമുള്ള സ്വദേശി സ്ത്രീകൾ, 20 വയസ് പ്രായമുള്ള വിദേശി വനിത, 60 വയസ് പ്രായമുള്ള വിദേശി പുരുഷൻ എന്നിവർക്കാണ് ഇന്നലെ ജീവൻ നഷ്ടമായത്. ഇതോടെ ആകെ കോവിഡ് മരണങ്ങൾ 507 ആയി. 256 വിദേശികൾ ഉൾപ്പടെ ഇന്നലെ 733 പേർക്കാണ് പുതുതായി രോഗം സ്ഥിരീകരിച്ചത്.
നിലവിൽ രാജ്യത്ത് കോവിഡ് ബാധിച്ച് ചികിത്സയിൽ കഴിയുന്നവരുടെ എണ്ണം 7379 ആണ്. ഇന്നലെ 552 പേർ കൂടി രോഗമുക്തി നേടിയതോടെ ആകെ രോഗമുക്തി നേടിയവരുടെ എണ്ണം 1,30, 397 ആയി. 49 പേരാണ് ഗുരുതരാവസ്ഥയില് കഴിയുന്നത്. ഇന്നലെ 18457 പരിശോധനകള് കൂടി നടന്നതോടെ ആകെ പരിശോധനകളുടെ എണ്ണം 34,64, 973 ആയി. നിലവിൽ 4,52,551 പേരാണ് കോവിഡ് വാക്സിൻ സ്വീകരിച്ചത്. ഇതിൽ 2,42,128 പേർ രണ്ട് ഡോസുകൾ സ്വീകരിച്ചവരാണ്. ഇന്നലെ 13,118 പേർക്കാണ് വാക്സിൻ നൽകിയത്.
