നിയാർക്ക് ബഹ്റൈൻ നാലാം വാർഷികവും ഗ്ലോബൽ എക്സലൻസ് അവാർഡ് സമർപ്പണവും ഫെബ്രുവരി 8ന്
മനാമ:ഭിന്നശേഷിക്കാർക്കുവേണ്ടി കൊയിലാണ്ടിയിൽ ആരംഭിച്ച അക്കാഡ മിക് ഗവേഷണ സ്ഥാപനമായ നിയാർക്കിന്റെ ബഹ്റൈൻ ഘടകത്തിന്റെ നാലാം വാർഷികവും ഗ്ലോബൽ എക്സലൻസ് അവാർഡ് സമർപ്പണവും ഫെബ്രുവരി 8ന് ബഹ്റൈൻ കേരളീയ സമാജത്തിൽ വച്ച് നടക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. വാർഷികത്തിന്റെ ഭാഗമായി പ്രൊഫ: ഗോപിനാഥ് മുതുകാടും സംഘവും അവതരിപ്പിക്കുന്ന പ്രചോദനാൽമക ജാലവിദ്യയോട് കൂടിയ മോട്ടിവേഷൻ ക്ലാസ്, ഖാലിദ് സാദ് ട്രേഡിംഗ് അവതരിപ്പിക്കുന്ന, അൽഹിലാൽ ഹോസ്പിറ്റൽ "എംക്യൂബ്" ഉം, നിയാർക്ക് ഗ്ലോബൽ കമ്മിറ്റി ഏർപ്പെടുത്തിയ പ്രഥമ ഗ്ലോബൽ എക്സലൻസ് അവാർഡ് പ്രൊഫ: മുതുകാടിനു സമർപ്പിക്കുമെന്നും സംഘാടകർ അറിയി ച്ചു.
അത്യാധുനികത സംവിധാനത്തോടെ പിറവി മുതൽ വിവിധ ഘട്ടങ്ങളിൽ കൊച്ചുകുട്ടികളിലെ മാറ്റങ്ങൾ നിരീക്ഷിച്ചു ഓട്ടിസം, സംസാര- കേൾവി ശേഷി, അംഗവൈകല്യം, ബുദ്ധിമാന്ദ്യം തുടങ്ങിയവയിൽ നിന്നും കുഞ്ഞുങ്ങളെ സാധാരണ ജീവിതത്തിലേക്ക് പൂർണ്ണമായോ ഭാഗികമായോ തിരിച്ചു കൊണ്ടുവരുവാനുള്ള അക്കാഡമിക് ഗവേഷണസ്ഥാപനമായി കൊയിലാണ്ടിയിലെ പന്തലായനിയിൽ മുഖ്യമന്ത്രി തറക്കല്ലിട്ട് നാല് ഏക്കർ ഭൂമിയിൽ ഉയർന്നുവരുന്ന നിയാർക്കിന്റെ സാക്ഷാൽക്കാരത്തിനു പൊതുജന പിന്തുണക്കായി ഏവരുടെയും സഹായം നിയാർക്ക് ഭാരവാഹികൾ അഭ്യർത്ഥിച്ചു.
ഭിന്ന ശേഷി കുട്ടികൾക്കായും പൊതുസമൂഹത്തിനുമായി പ്രൊഫ: മുതുകാട് നൽകിവരുന്ന സേവനം മുൻനിർത്തിയാണ് പുരസ്‌ക്കാരത്തിന് തെരഞ്ഞെടു ത്തതെന്ന് ഭാരവാഹികൾ അറിയിച്ചു. നിയാർക്ക് ഗ്ലോബൽ കമ്മിറ്റി അംഗവും, പ്രവാസി ഭാരതീയ പുരസ്‌ക്കാര ജേതാവുമായ അഷ്‌റഫ് താമരശ്ശേരി ഗ്ലോബൽ നേതാക്കൾക്കൊപ്പം ദുബായിൽ വെച്ചാണ് പുരസ്കാരം പ്രഖ്യാപിച്ചത്. യൂനിസെഫിന്റെ അംബാസഡർ കൂടിയായ മുതുകാട് ഈ അവാർഡിന് ഏറ്റവും അനുയോജ്യ വ്യക്തിത്വമാണെന്നതിൽ സന്തോഷം ഉള്ളതായും, ഈ ആദരവ് മലയാളി സമൂഹത്തിന്റെ മൊത്തം ആദരവാക്കി മാറ്റുവാനുള്ള പൊതുജന പിന്തുണയും സംഘാടകർ അഭ്യർത്ഥിച്ചു.
ഫെബ്രുവരി 8 ന്റെ എംക്യൂബ് പരിപാടി തികച്ചും സൗജന്യമായ ബഹ്റൈൻ മലയാളി സമൂഹത്തിനു ഒന്നാകെ ഉപകരിക്കുന്ന മോട്ടിവേഷൻ ക്ലാസ് ആയിരിക്കുമെന്നും ഏവരുടെയും പങ്കാളിത്വം ഉണ്ടാകണമെന്നും സംഘാടകർ അഭ്യർത്ഥിച്ചു.
പത്രസമ്മേളനത്തിൽ നിയാർക്ക് ബഹ്റൈൻ മുഖ്യരക്ഷാധികാരി ഡോ: പി. വി. ചെറിയാൻ, അൽഹിലാൽ ഹോസ്പിറ്റൽ ബിസിനസ്സ് മാനേജർ ആസിഫ് മുഹമ്മദ് , സി.ഇ.ഒ ഡോ:ശരത്‌ ചന്ദ്രൻ സംഘാടക സമിതി ചെയർമാൻ ഫറൂഖ്,കെ.കെ., വൈസ് ചെയർമാൻ സുജിത് ഡി.പിള്ള, ജനറൽ കൺവീനർ ഹനീഫ് കടലൂർ, നിയാർക്ക് ബഹ്റൈൻ ചെയർമാൻ കെ.ടി. സലിം, ജനറൽ സെക്രട്ടറി ടി.പി. നൗഷാദ് ,ട്രെഷറർ അസീൽ അബ്ദുൾറഹ്മാൻ എന്നിവർ പങ്കെടുത്തു.
