ആതിഫ് അസ്ലം എത്തി; ബോളിവുഡ്ഡിലെ ഗാനങ്ങൾ ഇന്ന് പെയ്തിറങ്ങും
മനാമ: ബോളിവുഡ്ഡിലെ ഗാനങ്ങൾ പെയ്തിറങ്ങുന്ന സംഗീതനിശയ്ക്ക് ഇനി കുറച്ച് സമയം കൂടി കാത്തിരുന്നാൽ മതി. ഇന്ന് വൈകീട്ട് പാകിസ്ഥാൻ സ്കൂളിൽ വെച്ച് നടക്കുന്ന സംഗീത പരിപാടിയിൽ സംബന്ധിക്കുന്നതിന് ലോക പ്രശസ്ത ഗായകനായ ആതിഫ് അസ്ലം ഇന്നലെ രാവിലെ ബഹ്റൈനിൽ എത്തിചേർന്നു. സംഘാടകർ വിമാനത്താവളത്തിൽ വിപുലമായ സ്വീകരണം നൽകി. പ്രമുഖ ഇവന്റ് മാനേജ്മെന്റ് സ്ഥാപനമായ റാമി പ്രൊഡക്ഷൻസ് നേതൃത്വം നൽകുന്ന ഷോയിലേക്കുള്ള പ്രവേശനം ടിക്കറ്റ് മൂലം നിയന്ത്രിച്ചിരിക്കുന്നതായി സംഘാടകർ അറിയിച്ചു. സൗത്ത് ഇന്ത്യയിലെ നിരവധി കലാകാരന്മാരും സംഗീതവിരുന്നിൽ അകന്പടി സേവിക്കുന്നുണ്ട്.
പാക് ഗായകനായ ആതിഫ് നിരവധി ബോളിവുഡ് ചിത്രങ്ങൾക്ക് വേണ്ടി പാടിയിട്ടുണ്ട്. ഗാനരചിയിതാവും സിനിമ താരവും കൂടിയായ ആതിഫ് അമേരിക്ക, കാനഡ, ബ്രിട്ടൻ എന്നിവിടങ്ങളിലടക്കം നിരവധി സംഗീത നിശകൾ സംഘടിപ്പിച്ചിട്ടുണ്ട്. ആദ്യമായാണ് ബഹ്റൈനിൽ വരുന്നത്. 7,000 പേരെങ്കിലും പരിപാടിയിൽ സംബന്ധിക്കുമെന്നാണ് പ്രതീക്ഷിക്കുന്നതെന്ന് പ്രോഗ്രാം ഡയറക്ടർ റഹീം ആതവനാട് പറഞ്ഞു. ഇത് ബഹ്റൈനിലെ സംഗീത ആസ്വാദകർക്ക് പുതിയ അനുഭവമായിരിക്കുമെന്നും അദ്ദേഹം കൂട്ടിച്ചേർത്തു.
അഞ്ച് ദിനാർ മുതൽ 75 ദിനാർ വരെയാണ് ടിക്കറ്റ് നിരക്ക്. യുഎഇ എക്സ്ചേഞ്ച്, ഷറഫ് ഡിജി, ഫുഡ് സിറ്റി ഔട്ലെറ്റുകൾ എന്നിവടങ്ങളിൽ നിന്നും www.wafiapps.com,www.virginmegastore.me, www.togetherbahrain.com എന്നീ വെബ്സൈറ്റുകൾ വഴിയും ടിക്കറ്റ് വാങ്ങാം. കൂടുതൽ വിവരങ്ങൾക്ക് 33307369, 39057612, 33418211 എന്നീ നന്പറുകളിൽ ബന്ധപ്പെടാവുന്നതാണെന്ന് സംഘാടകർ അറിയിച്ചു.


