വൻ ജനപങ്കാളിത്തത്തോടെ മറാഈ 2026 പ്രദർശനത്തിന് ആവേശകരമായ സമാപനം


പ്രദീപ് പുറവങ്കര


ബഹ്‌റൈൻ ഇന്റർനാഷണൽ എക്സിബിഷൻ ഫോർ അനിമൽ ആൻഡ് അഗ്രികൾച്ചറൽ പ്രൊഡക്ഷൻ (മറാഈ 2026) മേളയ്ക്ക് ഇന്നലെ ആവേശകരമായ സമാപനം. പരിപാടിയിലുടനീളം വൻ ജനപങ്കാളിത്തമാണ് അനുഭവപ്പെട്ടത്. സല്ലാക്കിലെ ബഹ്‌റൈൻ ഇന്റർനാഷണൽ എൻഡുറൻസ് വില്ലേജിൽ നടന്ന അഞ്ച് ദിവസത്തെ മേള, ഹിസ് മജസ്റ്റി ഹമദ് രാജാവിന്റെ മാനുഷിക പ്രവർത്തനങ്ങൾക്കും യുവജനകാര്യങ്ങൾക്കുമുള്ള പ്രതിനിധി ഷെയ്ഖ് നാസർ ബിൻ ഹമദ് അൽ ഖലീഫയാണ് ഉദ്ഘാടനം ചെയ്തത്.

പ്രാദേശിക ഉൽപ്പന്നങ്ങൾക്ക് പ്രാധാന്യം നൽകുന്നതിനും ബഹ്‌റൈനി കർഷകരെയും കന്നുകാലി വളർത്തുകാരെയും പിന്തുണയ്ക്കുന്നതിനുമൊപ്പം, കാർഷിക-മൃഗസംരക്ഷണ മേഖലകളിലെ ഏറ്റവും പുതിയ സാങ്കേതികവിദ്യകളും രീതികളും പരിചയപ്പെടുത്തുന്നതായിരുന്നു മേളയെന്ന് മുനിസിപ്പാലിറ്റി കാര്യ-കാർഷിക മന്ത്രി വഈൽ അൽ മുബാറക് പറഞ്ഞു. അറിവും വിദ്യാഭ്യാസവും വിനോദവും ഒരുപോലെ സമന്വയിക്കുന്ന ഒരു അനുഭവമാണ് പ്രദർശനം നൽകിയതെന്നും അദ്ദേഹം കൂട്ടിച്ചേർത്തു. പ്രദർശനത്തോടനുബന്ധിച്ച് നടന്ന 'സുസ്ഥിര ഭക്ഷ്യസുരക്ഷ മെച്ചപ്പെടുത്തുന്നതിനുള്ള എഞ്ചിനീയറിംഗും നവീകരണവും 2026' എന്ന സമ്മേളനത്തെ മന്ത്രി പ്രത്യേകം എടുത്തുപറഞ്ഞു. പ്രദർശനത്തിന് ലഭിച്ച വിലപ്പെട്ട ഒരു ശാസ്ത്രീയ മുതൽക്കൂട്ടാണിതെന്ന് അദ്ദേഹം വിശേഷിപ്പിച്ചു.

മുൻ വർഷങ്ങളെ അപേക്ഷിച്ച് ഈ വർഷത്തെ മേളയിലാണ് ഏറ്റവും കൂടുതൽ ആളുകൾ എത്തിയതെന്ന് കാർഷിക-സമുദ്രവിഭവ അണ്ടർ സെക്രട്ടറി ആസിം അബ്ദുല്ലത്തീഫ് അബ്ദുള്ള പ്രസ്താവനയിൽ അറിയിച്ചു. തങ്ങളുടെ ഉൽപ്പന്നങ്ങളും സേവനങ്ങളും പരിചയപ്പെടുത്തുന്നതിനും ഏറ്റവും പുതിയ സാങ്കേതികവിദ്യകൾ മനസ്സിലാക്കുന്നതിനും കാർഷിക-കന്നുകാലി മേഖലകളിലെ നിക്ഷേപ-പങ്കാളിത്ത അവസരങ്ങൾ വർദ്ധിപ്പിക്കുന്നതിനുമായി കർഷകരെയും കമ്പനികളെയും വിദഗ്ധ സ്ഥാപനങ്ങളെയും ഒരേ വേദിയിൽ കൊണ്ടുവരാൻ ഈ പരിപാടിക്ക് സാധിച്ചുവെന്ന് അദ്ദേഹം പറഞ്ഞു.

വൈവിധ്യമാർന്ന പ്രവർത്തനങ്ങളും പരിപാടികളും കാർഷിക, പൈതൃക, വിനോദ പ്രദർശനങ്ങളും സമൂഹത്തിലെ വിവിധ വിഭാഗങ്ങളെ ആകർഷിക്കാൻ സഹായിച്ചതായും, ഇത് മേളയിലുടനീളം കുടുംബങ്ങളുടെ പ്രിയപ്പെട്ട കേന്ദ്രമാക്കി മാറ്റിയതായും അദ്ദേഹം ചൂണ്ടിക്കാട്ടി.

article-image

ddfdfsdfs

You might also like

  • Bharth Cargo
  • Lulu Exchange
  • Straight Forward

Most Viewed