ലോക പാരാ അത്ലറ്റിക്സ് ചാംപ്യൻഷിപ്പിൽ ബഹ്റൈന്റെ ഫാത്തിമ അബ്ദുൾറസ്സാക്കിന് സ്വർണം
മനാമ : ലണ്ടനിൽ നടന്ന ലോക പാരാ അത്ലറ്റിക്സ് ചാംപ്യൻഷിപ്പിൽ ഷോട്ട് പുട്ടിൽ (ടി 53) ബഹ്റൈന്റെ ഫാത്തിമ അബ്ദുൾറസ്സാക്കിന് സ്വർണം. ഇന്ത്യ, കാനഡ, മെക്സിക്കോ, ഉക്രെയിൻ, അയർലണ്ട്, ഗ്രീസ് എന്നിവിടങ്ങളിൽ നിന്നുള്ള 7 താരങ്ങളെ പിന്നിലാക്കി, 4.73 മീറ്റർ ദൂരം എറിഞ്ഞാണ് ഫാത്തിമ ഒന്നാമതായത്. ബഹ്റൈൻ യുവജന കായിക വകുപ്പ് മന്ത്രിയും ബഹ്റൈൻ വികലാംഗ കായിക ഫെഡറേഷൻ പ്രസിഡന്റുമായ ഷെയ്ക് ഖാലിദ് ബിൻ ഹമദ് അൽ ഖലീഫ, സ്വർണ നേട്ടത്തെ ബഹ്റൈൻ ജനതയ്ക്ക് സമർപ്പിച്ചു.
