എൻ.ആർ.ടി.ഐ.എ (NRTIA) ഭാരവാഹികൾ ബഹ്റൈൻ ഇന്ത്യൻ അംബാസഡറുമായി കൂടിക്കാഴ്ച നടത്തി


പ്രദീപ് പുറവങ്കര

മനാമ: പ്രവാസി ക്ഷേമ സംഘടനയായ നോൺ-റസിഡന്റ് തമിഴ് ഇന്ത്യൻ അസോസിയേഷൻ (NRTIA) ഭാരവാഹികൾ ബഹ്‌റൈനിലെ ഇന്ത്യൻ അംബാസഡർ ഡോ. പ്രദീപ് സിംഗ് രാജ്പുരോഹിതുമായി സൗഹൃദ സന്ദർശനം നടത്തി.

സംഘടന നടത്തിവരുന്ന വിവിധ ജീവകാരുണ്യ-സാമൂഹിക ക്ഷേമ പ്രവർത്തനങ്ങളെക്കുറിച്ച് പ്രതിനിധി സംഘം അംബാസഡറോട് വിശദീകരിച്ചു. മതിയായ രേഖകളില്ലാതെ ദീർഘകാലമായി ബഹ്‌റൈനിൽ കഴിയുന്ന ഇന്ത്യക്കാരെ നാട്ടിലെത്തിക്കൽ, മൃതദേഹങ്ങളുടെ സംസ്കാര ചടങ്ങുകൾക്ക് സൗകര്യമൊരുക്കൽ, രോഗബാധിതരും അപകടങ്ങളിൽ പരിക്കേറ്റവരുമായ പ്രവാസികൾക്ക് വൈദ്യസഹായം നൽകൽ, യാത്രാവിലക്ക് നേരിടുന്നവർക്ക് നിയമസഹായം ലഭ്യമാക്കൽ തുടങ്ങിയ പ്രവർത്തനങ്ങളാണ് സംഘടന പ്രധാനമായും ചെയ്യുന്നത്.

ഇന്ത്യൻ എംബസി കൃത്യമായി സംഘടിപ്പിക്കുന്ന 'ഓപ്പൺ ഹൗസ്' പരിപാടികളുടെ പ്രാധാന്യവും പ്രതിനിധികൾ എടുത്തുപറഞ്ഞു. ബഹ്‌റൈനിലെ ഇന്ത്യൻ പ്രവാസികൾക്ക് തങ്ങളുടെ പരാതികളും പ്രശ്നങ്ങളും അംബാസഡറെയും എംബസി ഉദ്യോഗസ്ഥരെയും നേരിട്ട് അറിയിക്കാനും വേഗത്തിൽ പരിഹാരം കാണാനും ഈ വേദി വലിയ സഹായമാകുന്നുണ്ടെന്ന് അവർ അഭിപ്രായപ്പെട്ടു.

സംഘടനയുടെ സാമൂഹിക ക്ഷേമ പ്രവർത്തനങ്ങൾക്ക് തുടർച്ചയായ മാർഗ്ഗനിർദ്ദേശവും പിന്തുണയും നൽകുന്ന അംബാസഡറോടും മറ്റ് എംബസി ഉദ്യോഗസ്ഥരോടും ഭാരവാഹികൾ ഹൃദയംഗമമായ നന്ദി രേഖപ്പെടുത്തി.

article-image

efdsfddsadsdas

You might also like

  • Bharth Cargo
  • Lulu Exchange
  • Straight Forward

Most Viewed