ആർ യൂസഫ് ഹാജിയുടെ നിര്യാണത്തിൽ കെഎംസിസി ബഹ്‌റൈൻ അനുശോചിച്ചു
പ്രദീപ് പുറവങ്കര
മനാമ l മുൻ ബഹ്‌റൈൻ കെഎംസിസി നേതാവും
മുസ്ലിം ലീഗ് കുറ്റ്യാടി മണ്ഡലം മുൻ വൈസ് പ്രസിഡന്റും വില്യാപ്പള്ളി മുസ്ലിം ജമാഅത്ത് പ്രസിഡന്റും കെഎംസിസി ബഹ്‌റൈൻ കുറ്റ്യാടി മണ്ഡലം കമ്മിറ്റിയുടെ കർമ്മശ്രേഷ്ട പുരസ്‌കാര ജേതാവ് കൂടിയായ രാമത്ത് യൂസുഫ് ഹാജിയുടെ നിര്യാണത്തിൽ കെഎംസിസി ബഹ്‌റൈൻ അനുശോചിച്ചു.
മുസ്ലിം ലീഗ് പ്രസ്ഥാനത്തെ ജീവവായു ആയി കണ്ട യൂസഫ് ഹാജിയുടെ നിര്യാണം പാർട്ടിക്കും നാടിനും തീരാ നഷ്ടമാണെന്ന് കെഎംസിസി ബഹ്‌റൈൻ പ്രസിഡന്റ്‌ ഹബീബ് റഹ്മാൻ ജനറൽ സെക്രട്ടറി ശംസുദ്ധീൻ വെള്ളികുളങ്ങര എന്നിവർ അനുശോചന സന്ദേശത്തിൽ അറിയിച്ചു. ദുഃഖർത്തരായ കുടുംബങ്ങളുടെ ദുഃഖത്തിൽ കെഎംസിസി ബഹറൈനും പങ്ക് കൊള്ളുന്നതായി നേതാക്കൾ അറിയിച്ചു.
നാട്ടിലും പ്രവാസ ഭൂമിയിലും പ്രസ്ഥാനത്തിന് വേണ്ടി രാപകൽ വേദമന്വേ പ്രവർത്തിച്ച ഞങ്ങളുടെയൊക്കെ വഴികാട്ടിയായ യൂസഫ് സാഹിബിന്റെ നിര്യാണത്തിൽ കെഎംസിസി ബഹ്‌റൈൻ കോഴിക്കോട് ജില്ലാ കമ്മിറ്റി പ്രസിഡന്റ്‌ ഷാജഹാൻ പരപ്പൻ പൊയിൽ, ജനറൽ സെക്രട്ടറി ഇസ്ഹാഖ് വില്ല്യാപള്ളി എന്നിവരും അനുശോചിച്ചു.
കെഎംസിസി ബഹ്‌റൈൻ കുറ്റ്യാടി മണ്ഡലം കമ്മിറ്റിയും വില്ല്യംപള്ളി പഞ്ചായത്ത്‌ കമ്മിറ്റിയും അദ്ദേഹത്തിന്റെ നിര്യാണത്തിൽ അനുശോചിച്ചു. കെഎംസിസി ബഹ്‌റൈൻ വൈസ് പ്രസിഡന്റ്‌ എ പി ഫൈസൽ, സെക്രട്ടറി ഫൈസൽ കോട്ടപ്പള്ളി, കോഴിക്കോട് ജില്ലാ വൈസ് പ്രസിഡന്റ്‌ അഷ്‌റഫ്‌ തോടന്നൂർ, കുറ്റ്യാടി മണ്ഡലം പ്രസിഡന്റ്‌ കാസിം കോട്ടപ്പള്ളി എന്നിവർ അദ്ദേഹത്തിന്റെ വീട്ടിലെത്തി കുടുംബങ്ങളെ അനുശോചനമറിയിച്ചു. അദ്ദേഹത്തിന് വേണ്ടി പ്രാർത്ഥിക്കാനും മയ്യിത്ത് നമസ്കരിക്കാനും നേതാക്കൾ അഭ്യർത്ഥിച്ചു.
ംനംന
