ജപ്പാനിയാ കുഹൂ കുഹൂ...
ശരശയ്യ - നിതിൻ നാങ്ങോത്ത്
വെന്തു, ആവി വന്നു. ഇനി കോലെടുത്ത് ഒന്ന് ഉന്തിയാൽ മാത്രം മതി. പിറകീന്നുളള കുത്ത് അഥവാ പ്രഷർ അത്ര സ്ട്രോങ്ങാ... എത്ര കുത്തലുകളിലൂടെ, കുത്തിത്തിരുപ്പുകളിലൂടെയാണ് ഓരോ പുട്ടിന്‍റെയും പിറവി!! മിസ്റ്റർ ബട്ലർ ഗോ-പാലകൃഷ്ണന്‍റെ ജപ്പാനിയാ കുഹൂ കുഹൂ ആവി പറത്തി അന്തരീക്ഷം പൊള്ളിക്കുകയാണ്. മലയാളി കൈ കഴുകിയിരിപ്പാണ്. പഴവും പപ്പടവും റെഡി.
അല്ലേലും മഹാന്‍മാരുടെ ജീവിതസമരങ്ങളോട് പണ്ടേ നുമ്മക്ക് പരമപുച്ഛമാണല്ലോ? നമ്മക്കിങ്ങനെ പ്രമുഖരുടെ കുറ്റവിചാരണകളിൽ മൂക്കുവിടർ‍ത്തി സാൻ‍വിച്ച് കോളിങ് നടത്താം. കുപ്പയിൽ കുക്കുടം ചെയ്യുന്പോലെ ബാക്ക്ഫൂട്ടിൽ മാന്തി മാന്തി! മാനത്തെ കൊട്ടാരത്തിൽ നിന്നും ഡിങ്കൻ ത്രീഡിയിലേക്കുളള ത്യാഗം കാണാതെ പോവരുത്. കുറ്റം, കുറ്റവിചാരണ, അറസ്റ്റ്, സ്ഥാപിതതാൽ‍പ്പര്യങ്ങൾ, ഒതുക്കൽ, തകർ‍ക്കൽ... എല്ലാം അതിന്‍റെ മുറയ്ക്ക് നടന്നോട്ടെ... ‘നട’’നായിങ്ങനെ ജനിച്ചൂ ഭൂമിയിൽ, നടിയായും...നരകവാരിധിയുടെ നടുവിലുളളവരെ മുക്കിക്കൊല്ലുന്പോൾ ഹായ് ഹായ് എന്തു സുഖം.ഭരതമുനി വരച്ച ആ കളം ഒന്നൊന്നര കുളമായിപ്പോയി. നടൻ, കൂട്ടുകാരൻ, ഭാര്യ, ഭാര്യയുടെ അമ്മ, നടി.... കുളം കലങ്ങിയതു തന്നെ. കലക്കവെളളത്തിലെ ഫിഷ്ഫ്രൈ കൊതിച്ച് കരയിലിരിപ്പുണ്ട് നരവർ‍ഗ്ഗനവാതിഥികൾ!!
ആംഗികം, വാചികം, ആഹാര്യം, സാത്വികം എന്നിങ്ങനെ ഇങ്ങേര്,...ആര്? ഭരതൻ മൂപ്പര് അഭിനയത്തെ ചതുരത്തിലാക്കിയിട്ടുണ്ട്. ഇത് നാലും ഒന്നിച്ച് കാണണേൽ അമ്മയുടെ ജനറൽ “ബോഡി”യിൽ വന്നാൽ മതി. മുകേഷിന്‍റെ ആംഗികം, ഗണേഷന്‍റെ വാചികം, ലാലേട്ടന്‍റെ ആഹാര്യം, മമ്മൂക്കയുടെ സാത്വികം. നടി വിഷയത്തിൽ പത്രക്കാരുടെ ചോദ്യശരങ്ങൾ‍ക്ക് മുന്പിൽ അമ്മാച്ഛൻ മനോധർ‍മ്മാഭിനയം നടത്തുന്നു.പഴുത്ത മലയാളത്തിൽ പറഞ്ഞാൽ പൊട്ടൻ കളിക്കുന്നു. ആറാംതന്പുരാൻ ടച്ചിങ്സിലാണ്, തേവള്ളിപ്പറന്പിൽ ജോസഫ് അലക്സ് സുഖനിദ്രയിലാണ്. കൂട്ടത്തിലൊരുവന്‍റെ പള്ളക്ക് പിച്ചാത്തി കേറിയപ്പോൾ നോവാൻ, വേവാൻ ഭരത്ചന്ദ്രനില്ലാതെ പോയി. വിമൺ കലക്റ്റീവേഴ്സിന്‍റെ വായിൽ ചിക്കൻ പപ്സ് ആയിപ്പോയി. അല്ലേൽ കാണാമായിരുന്നു.മഞ്ജുവും, രമ്യയും, റീമയും ഫൂലാൻ ദേവിമാർ തന്നെ. സമ്മതിച്ചു. പക്കേങ്കില് ഫേസ്ബുക്കിലെ കൗ പുല്ല് തിന്നില്ലാലോ...
ദിലീപും നാദിർ‍ഷായും ഹൈക്കോടതിയുടെ ദയാവായ്പ് വായ്പയായി ചോദിച്ചേക്കും. വനിതാക്കമ്മീഷൻ പിടിയൊന്ന് മുറുക്കിയിട്ടുണ്ട്. വാളയാർ പരമശിവം പാടുപെടാനാണ് സാധ്യത. കൂടെ നിന്നവർ ഒന്നൊന്നായി എബൗട്ടേൺ കളി തുടങ്ങി.കുക്കുപരമേശ്വരനെപ്പോലെ ഡെഡിക്കേറ്റായവരുടെ കാലടിയിലെ മണ്ണ് തിര കൊണ്ട് പോവും. പുട്ടിന്‍റെ പൊക കണ്ടവർ പണിയാലസ്യത്തിന്‍റെ മനം മടുപ്പിൽ ആവിയിടും.ചിലപ്പോൾ സന്തോഷസൂചകമായി തലശ്ശേരി ലിബർ‍ട്ടി ടാക്കീസിൽ ബാഹു“ബലി” സൗജന്യമായി ഒരാഴ്ച ഓടാൻ ചാൻ‍സുണ്ട്. അതിവൈകാരികമായ ഭാവാഭിനയങ്ങൾ കൊണ്ട് ഈ ആഴ്ച തോരാമഴ തീർ‍ച്ച...
വന്പൻ സ്രാവുകൾ ഇനിയും കുടുങ്ങുമെന്ന കാലാവസ്ഥാമുന്നറിയിപ്പ് പൾ‍സർ കേന്ദ്രങ്ങളിൽ നിന്ന് സ്റ്റാർ‍ട്ടായിക്കഴിഞ്ഞു. ന്യൂറോ സർ‍ജന്‍റെ സീറ്റിൽ കശാപ്പുകാരൻ തന്നെയോ ഇരിപ്പുറപ്പിച്ചതെന്ന് കാലവിളംബമില്ലാതെ ലോകമറിയും. സ്രാവുകൾ‍ക്കൊപ്പം നീന്തുക എത്രമേൽ ഫ്രീൈസ്റ്റലായിരുന്നുവെന്ന് മൈക്കുകൾ വിളിച്ചുപറയും.സ്റ്റണ്ടും സെക്സും പഞ്ച് ഡയലോഗും സിനിമാക്കാരുടേയും രാഷ്ട്രീയക്കാരുടേയും കുത്തകയാണെന്ന് തെറ്റിദ്ധരിക്കല്ലേ. ഈജിയൻ തൊഴുത്തിലെ ‘കാളക്കൂറ്റൻ’ മാരുടെ കൊന്പിനിന്പിടി മൂർ‍ച്ച ജാസ്തിയാ. ഈ പ്രാവീണ്യവും വെച്ച് ലോ ആന്‍റ് ഓർ‍ഡർ തുടർ‍ന്നാൽ ഭാവി കാവ്യാത്മകം. സംഘട്ടനം ത്യാഗരാജൻ, സംഭാഷണം രഞ്ജിപ്പണിക്കർ, സംവിധാനം ഷാജികൈലാസ്!
കഥ, തിരക്കഥ സ്വന്തം മല്ലൂസ്. ഈ പടം നമുക്ക് ആയിരം കോടി ക്ലബിൽ എത്തിക്കണം.ഇടിച്ചുപൊടിച്ച് പുഴയിലെറിഞ്ഞ സിമ്മിൽ നിന്നു പോലും കുറ്റവാളിയെ കണ്ടെത്തിയ കേരളാപോലീസിന് ഒരു പെറ്റി ഗൂഢാലോചനാക്കേസിന്‍റെ കർ‍ട്ടൻ റെയ്സാക്കാൻ എന്തേ ഇത്ര അമാന്തം എന്‍റെ അന്തോണീസ് പുണ്യാളാ!! സ്വാധീനത്തിന്‍റെ നീരാളിക്കൈകൾ അത്രമേൽ സുദൃഢമാണേൽ ന്യായം, നീതി, സത്യം ധിം തരികിട തോം.
പണ്ട് ഷൂട്ടിങ്ങിന് പോവുന്പോൾ തന്‍റെ സിനിമയിലെ നായികയുടെ മേൽ ഒരാള്‍ കൈവെച്ചപ്പോൾ സംവിധായകൻ രാമുകാര്യാട്ട് തത്ക്ഷണം അയാളെ പഞ്ഞി
ക്കിട്ടതായി ഒരു കേൾ‍വിയുണ്ട്. ഈ കരുതൽ ഇനിയെങ്കിലും നമ്മുടെ അമ്മാ കാർ‍ഡ്ഹോൾ‍ഡേഴ്സിനുണ്ടാവട്ടെ എന്നാശിച്ച് എ.ആർ റഹ്മാൻ പാടുന്നു; എന്നാലും എന്‍റെ ഹമ്മ ഹമ്മ ഹമ്മോ!!
പനിച്ച് തീർ‍ന്നവർ നാനൂറ്, അതിർ‍ത്തിയിൽ ചൈനീസ് ടാങ്കറുകൾ വെടിമരുന്നു നിറയ്ക്കുന്നു. നമ്മുടെ മുഖ്യധാരാബുജികളിപ്പോഴും റേപ്പുസുനിയുടെ ജോക്കിക്കുളളിൽ ഭൂതക്കണ്ണാടി വെയ്ക്കുന്നു. ഒന്ന് വിട്ടിട്ട് പോടേയ്... ചൈനീസ് സാമാനങ്ങൾ തല്ലിപ്പൊളിയാണേലും ചൈ
നീസ് സൈന്യം ഡബിൾ‍ബാരൽ ചങ്കന്‍മാരാ... ചിന്തിക്കാൻ തലകാണില്ല. ജയ് ഹിന്ദ്.
