ഇന്ത്യക്കാരനിൽ നിന്ന് ഏഴ് ലക്ഷം കവർന്ന സംഘം അറസ്റ്റിൽ
റിയാദ് : പ്രശസ്തമായ കന്പനിയിൽ കാഷ്യറായി ജോലി ചെയ്യുന്ന ഇന്ത്യക്കാരന്റെ പക്കൽ നിന്ന് ഏഴ് ലക്ഷം റിയാൽ കവർന്ന സംഘത്തെ റിയാദ് പോലീസ് അറസ്റ്റ് ചെയ്തു.
കന്പനിയുടെ പണം ഹാൻഡ് ബാഗിൽ സൂക്ഷിച്ച് പോകുകയായിരുന്ന ഇന്ത്യക്കാരന്റെ വാഹനം സുലൈഡിസ്ട്രിക്ടിൽ മനഃപൂർവ്വം ഇടിച്ചിട്ട് തടഞ്ഞുവെച്ച സംഘം പിൻവശത്തെചില്ല് തകർത്താണ് പണം അപഹരിച്ചത്.
പന്ത്രണ്ടംഗ പാകിസ്ഥാനി സംഘത്തിലെ ഒരാൾ ഇന്ത്യക്കാരനെ ദേഹോപദ്രവവും ഏൽപ്പിച്ചിരുന്നു. പരാതി ലഭിച്ച ഉടൻ രൂപീകരിച്ച പ്രത്യേക അന്വേഷണസംഘത്തിന്റെ വിദഗ്ദ്ധമായ കരുനീക്കമാണ് പ്രതികളെ താമസംകൂടാതെ വലയിലാക്കിയത്.
