ഖത്തറിലെ ആശുപത്രികൾക്ക് ഇന്ന് മുതൽ അവധി
ദോഹ: ഈദുൽ ഫിത്തർ പ്രമാണിച്ച് ഹമദ് മെഡിക്കൽ കോർപ്പറേഷനിലെ ഒ.പികൾ ഇന്ന് മുതൽ ഉണ്ടായിരിക്കില്ല. എന്നാൽ എല്ലാ ആശുപത്രികളിലും അടിയന്തര ചികിത്സാ വിഭാഗം 24 മണിക്കൂറും പ്രവർത്തിക്കുമെന്ന് അധികൃതർ അറിയിച്ചു.
ഒ.പികൾ ഇനി അടുത്ത തിങ്കളാഴ്ച മാത്രമേ പ്രവർ‍ത്തിക്കൂ. ഹൈറിസ്‌ക് ക്ലിനിക്കിലും എച്ച്.എം.സിയിലും ഒ.പി ഇതര ഫാർമസികൾ 24 മണിക്കൂറും പ്രവർ‍ത്തിക്കും.
ദേശീയ അർബുദ ഗവേഷണ കേന്ദ്രത്തിലും ഞായറാഴ്ച വരെ ഒ.പി പ്രവർ‍ത്തിക്കില്ല. ഹാർ‍ട്ട് ആശുപത്രിയിലും നാളെ മുതൽ അവധിയാണ്. പത്താം തീയതിയ്ക്ക് ശേഷം അപ്പോയിന്റ് മെന്റ് ലഭിച്ചിട്ടുള്ളവരെ ഫോണിൽ വിളിക്കുമെന്നും അവർ മാത്രം എത്തിയാൽ മതിയെന്നും അറിയിപ്പുണ്ട്. കൂടുതൽ വിവരങ്ങൾക്ക് 16060 എന്ന നന്പരിൽ വിളിക്കാം.
ആഭ്യന്തര മന്ത്രാലയ ഓഫീസുകൾ അടുത്ത തിങ്കളാഴ്ചയേ തുറക്കൂ. എന്നാൽ ഇൻഫർമേഷൻ അടക്കമുള്ള ചില വിഭാഗങ്ങളുടെ സേവനങ്ങൾ രാവിലെ എട്ടുമുതൽ ഉച്ചയ്ക്ക് പന്ത്രണ്ട് വരെ ലഭ്യമാകും.
