ഇന്ത്യയുടെ ആണവ−ഭൂഖണ്ഡാന്തര ബാലിസ്റ്റിക് മിസൈൽ അഗ്നി−5 ട്രയൽ വിജയകരം
ഇന്ത്യയുടെ ആണവ−ഭൂഖണ്ഡാന്തര ബാലിസ്റ്റിക് മിസൈൽ അഗ്നി−5 നൈറ്റ് ട്രയൽ വിജയകരം. 5,400 കിലോമീറ്റർ ദൂരപരിധിയുള്ള മിസൈലിനു ചൈനയുടെ മുഴുവൻ ഭൂപരിധിയും ലക്ഷ്യമിടാനാകും. ഒഡിഷയിൽ വെച്ച് കഴിഞ്ഞ ദിവസം വൈകീട്ട് 5.30നാണ് മിസൈൽ പരീക്ഷിച്ചത്.
മിസൈലിൽ പുതിയതായി ഉൾ‍പ്പെടുത്തിയ സാങ്കേതിക വിദ്യകളും ഉപകരണങ്ങളും പരീക്ഷിക്കുന്നതിന് വേണ്ടിയാണ് അഗ്നി−5 ന്റെ നൈറ്റ് ട്രയൽ നടത്തിയത്. അഗ്നി മിസൈൽ പരമ്പരയിലെ അത്യാധുനിക പതിപ്പാണ് അഗ്നി−5. ഇന്ത്യയുടെ ഡിഫൻസ് റിസർ‍ച്ച് ആന്റ് ഡെവലപ്പ്‌മെന്റ് ഓർ‍ഗനൈസേഷൻ (ഡിആർ‍ഡിഒ) ആണ് അഗ്നി−5 മിസൈൽ വികസിപ്പിച്ചത്.
ഭൂഖണ്ഡാന്തര ബാലിസ്റ്റിക് മിസൈലായ അഗ്നി−5 നെ കൂടാതെ 700 കിമീ പരിധിയുള്ള അഗ്നി−1, 2000 കിമീ പരിധിയുള്ള അഗ്നി−2, 2500 കിമീ പരിധിയിലുള്ള അഗ്നി−3, 3500 കിമി പരിധിയുള്ള അഗ്നി−4 എന്നിവയാണ് അഗ്നി−5ന് മുന്നേയുണ്ടായിരുന്നവ.
2012ൽ ആദ്യമായി പരീക്ഷണ വിക്ഷേപണം നടത്തിയ അഗ്നി 5 മിസൈലിന്റെ ഒൻപതാം പരീക്ഷണമാണ് ഇന്നത്തേതെന്ന് പ്രതിരോധ മന്ത്രാലയം അറിയിച്ചു. 2018 വരെ ആറ് പരീക്ഷണ വിക്ഷേപണങ്ങളും 2021 ൽ യൂസർ ട്രയലും നടത്തി.
79y79
