ഇന്ത്യയിലെ കോവിഡ് നിരക്ക് ഈ വർഷത്തെ ഏറ്റവും ഉയർന്ന നിലയിൽ
ന്യൂഡൽഹി: ആശങ്ക ഉയർത്തി രാജ്യത്തെ കോവിഡ് രോഗികളുടെ എണ്ണം വീണ്ടും വർധിക്കുന്നു. കഴിഞ്ഞ 24 മണിക്കൂറിനിടെ 43,846 പേർക്ക് രോഗം സ്ഥിരീകരിച്ചു. ഈ വർഷത്തെ ഏറ്റവും ഉയർന്ന പ്രതിദിന നിരക്കാണിത്. 24 മണിക്കൂറിനിടെ 197 മരണങ്ങളും സംഭവിച്ചു. നിലവിൽ രാജ്യത്തെ വിവിധ സംസ്ഥാനങ്ങളിലായി മൂന്ന് ലക്ഷത്തിനു മുകളിൽ ആളുകൾ ചികിത്സയിൽ കഴിയുന്നുണ്ട്.
മഹാരാഷ്ട്രയിലാണ് സ്ഥിതി അതീവ ഗുരുതരമായി തുടരുന്നത്. മധ്യപ്രദേശ്, പഞ്ചാബ്, തമിഴ്നാട്, ഡൽഹി തുടങ്ങിയ സംസ്ഥാനങ്ങളിലും രോഗബാധിതരുടെ എണ്ണം ഉയർന്നു. അതേസമയം, രാജ്യത്ത് ഇതുവരെ വാക്സിൻ സ്വീകരിച്ചവരുടെ എണ്ണം നാൽ കോടി 46 ലക്ഷം കടന്നു.
