പുതിയ കോണ്‍ഗ്രസ് അധ്യക്ഷന്‍ ജൂണില്‍- സംഘടനാ തെരഞ്ഞെടുപ്പ് മെയില്‍
ന്യൂഡല്‍ഹി: പുതിയ അധ്യക്ഷനെ കണ്ടെത്താനുള്ള സംഘടനാ നടപടിക്രമങ്ങളിലേക്ക് കടന്ന് കോണ്‍ഗ്രസ്. ജൂണില്‍ പുതിയ പ്രസിഡണ്ടിനെ തെരഞ്ഞെടുക്കാന്‍ വെള്ളിയാഴ്ച ചേര്‍ന്ന കോണ്‍ഗ്രസ് പ്രവര്‍ത്തക സമിതി തീരുമാനിച്ചു. മേയ് മാസത്തില്‍ സംഘടനാ തിരഞ്ഞെടുപ്പ് നടത്തുമെന്നും യോഗ തീരുമാനങ്ങള്‍ വിശദീകരിക്കവെ എ.ഐ.സി.സി. ജനറല്‍ സെക്രട്ടറി കെ.സി. വേണുഗോപാല്‍ പറഞ്ഞു.
അഞ്ചു സംസ്ഥാനങ്ങളിലേക്ക് നടക്കുന്ന നിയമസഭാ തെരഞ്ഞെടുപ്പുകള്‍ക്ക്‌ ശേഷമാകും പാര്‍ട്ടിക്ക് പുതിയ അധ്യക്ഷന്‍ വരിക. അതു വരെ ഇടക്കാല അധ്യക്ഷയായി സോണിയാ ഗാന്ധി തുടരും. 2019ലെ ലോക്‌സഭാ തെരഞ്ഞെടുപ്പ് തോല്‍വിക്ക് ശേഷം രാഹുല്‍ ഗാന്ധി രാജിവച്ചതോടെയാണ് കോണ്‍ഗ്രസില്‍ നേതൃപ്രതിസന്ധി ഉടലെടുത്തത്. അധ്യക്ഷപദവി ഏറ്റെടുക്കണമെന്ന ആവശ്യങ്ങളോട് രാഹുല്‍ വഴങ്ങാതെ നില്‍ക്കുകയാണ്.
