ഇനി കാത്തിരിപ്പില്ല: ഊബറിലൂടെ പറക്കാം, ട്രെയിൻ ടിക്കറ്റും ഇനി വിരൽത്തുമ്പിൽ!
ഷീബ വിജയൻ
ന്യൂഡൽഹി: യാത്രക്കാർക്ക് കൂടുതൽ സൗകര്യങ്ങൾ ഒരുക്കുന്നതിന്റെ ഭാഗമായി ഊബർ ഇന്ത്യയിൽ ട്രെയിൻ ടിക്കറ്റ് ബുക്കിംഗ് സേവനം ആരംഭിച്ചു. പ്രമുഖ ട്രാവൽ പ്ലാറ്റ്ഫോമായ ഐക്സിഗോയുമായി ചേർന്നാണ് ഊബർ ആപ്പിൽ ഈ പുതിയ ഫീച്ചർ അവതരിപ്പിച്ചത്. ഇനി മുതൽ ഊബർ ആപ്പ് വഴി ക്യാബ് ബുക്ക് ചെയ്യുന്നതിനൊപ്പം ട്രെയിൻ ടിക്കറ്റുകളും എളുപ്പത്തിൽ റിസർവ് ചെയ്യാൻ സാധിക്കും.
സ്മാർട്ട്ഫോണിലെ ഊബർ ആപ്പ് തുറന്ന് ലോഗിൻ ചെയ്ത ശേഷം ആപ്പിന്റെ ഹോം പേജിൽ നിന്ന് 'Trains' അല്ലെങ്കിൽ 'Transit' എന്ന ഓപ്ഷൻ തിരഞ്ഞെടുക്കുക. തുടർന്ന് യാത്ര ചെയ്യേണ്ട സ്റ്റേഷനുകളും തീയതിയും നൽകി തിരയുകയും ലഭ്യമായ ട്രെയിനുകളുടെ പട്ടികയിൽ നിന്ന് അനുയോജ്യമായ ട്രെയിനും ക്ലാസും തിരഞ്ഞെടുക്കാവുന്നതുമാണ്. വിവരങ്ങൾ നൽകിയ ശേഷം ഐക്സിഗോ പ്ലാറ്റ്ഫോം വഴി പേയ്മെന്റ് പൂർത്തിയാക്കാം. ഈ സേവനത്തിലൂടെ ഐക്സിഗോ ഈടാക്കുന്ന സാധാരണ കൺവീനിയൻസ് ഫീസും മറ്റ് സർക്കാർ നിരക്കുകളും ജി.എസ്.ടിയും ബാധകമായിരിക്കും. ഊബർ പ്രത്യേകമായി അധിക തുകയൊന്നും ഈടാക്കുന്നില്ല.
ersfsdsf
