ഗള്‍ഫിലേക്കുള്ള ടിക്കറ്റ് നിരക്ക് ആറിരട്ടി കൂട്ടി
കേരളത്തില്‍നിന്ന് ഗള്‍ഫ് രാജ്യങ്ങളിലേക്കുള്ള ടിക്കറ്റ് നിരക്ക് ആറിരട്ടി കൂട്ടി വിമാനക്കന്പനികള്‍. മുംബൈയില്‍നിന്ന് 19000 രൂപ വിലയുള്ള ടിക്കറ്റിന് കേരളത്തില്‍നിന്ന് 78000 രൂപ വരെയാണ് ഈടാക്കുന്നത്. സെപ്റ്റംബർ ഒന്നാം തീയതിയിലെ ടിക്കറ്റ് നിരക്കിലാണ് വന്‍ വര്‍ധനയുള്ളത്. തിരുവനന്തപുരത്തുനിന്ന് റിയാദിലേക്ക് 78,972 രൂപയാണ് എയര്‍ അറേബ്യ ഈടാക്കുന്നത്. എന്നാല്‍ മുംബൈയില്‍ നിന്നും ദുബായിലേക്ക് 13466 രൂപയ്ക്ക് ഒമാന്‍ എയറിന്‍റെ ടിക്കറ്റുണ്ട്.
എയര്‍ ഇന്ത്യ മുംബൈയില്‍ നിന്ന് അബുദാബിയിലേക്ക് 24,979 രൂപയാണ് ഈടാക്കുന്നത്. എന്നാല്‍, കേരളത്തില്‍ നിന്ന് ദുബായിലേക്ക് 47, 662 രൂപയാണ് ഇതേ കമ്പനിയുടെ ടിക്കറ്റ് നിരക്ക്. സെപ്റ്റംബര്‍ ആദ്യവാരത്തിലാണ് ഗള്‍ഫില്‍ സ്‌കൂള്‍ തുറക്കുക. ഇതോടെ അവധി കഴിഞ്ഞ് നാട്ടില്‍ നിന്ന് മടങ്ങുന്ന പ്രവാസികള്‍ ദുരിതത്തിലായി. വിഷയത്തില്‍ എംപിമാര്‍ ഇടപെടാത്തതില്‍ പ്രവാസികള്‍ പ്രതിഷേധത്തിലാണ്.
asdadsdsaads
