അതിവേഗ റെയിൽ: സർക്കാരുമായി ഔദ്യോഗിക ചർച്ച നടത്തിയിട്ടില്ലെന്ന് ഇ. ശ്രീധരൻ
ഹൈ സ്പീഡ്, സെമി ഹൈ സ്പീഡ് റെയിലാണ് കേരളത്തിന് അഭികാമ്യമെന്ന് മെട്രോമാൻ ഇ. ശ്രീധരൻ. എന്നാൽ ഇക്കാര്യത്തിൽ സംസ്ഥാന സർക്കാരുമായി ഔദ്യോഗികമായി ചർച്ച നടത്തിയിട്ടില്ലെന്നും ശ്രീധരൻ കൊച്ചിയിൽ വാർത്താസമ്മേളനത്തിൽ പറഞ്ഞു. ഹൈ സ്പീഡ് റെയിലുമായി ബന്ധപ്പെട്ട് നൽകിയ നിർദേശങ്ങളിൽ സർക്കാരിൽ നിന്നും മറുപടിയൊന്നും ലഭിച്ചിട്ടില്ല. കെ.വി. തോമസ് ആവശ്യപ്പെട്ട പ്രകാരമാണ് കുറിപ്പ് നൽകിയത്. ആകാശപാതയായോ തുരങ്കപാതയായോ നടപ്പാക്കാം. പദ്ധതി കേരളത്തിന് ആവശ്യമാണ്. മുഖ്യമന്ത്രിയുടെ അറിവോടെയാണ് കെ.വി. തോമസ് വന്നത്. സംസ്ഥാനം ആവശ്യപ്പെട്ടാൽ വികസനത്തിനായി സഹകരിക്കും. അതിന് രാഷ്ട്രീയം നോക്കില്ല. മുഖ്യമന്ത്രിയെ കാണാനും തയാറാണ്.
പുതിയ പദ്ധതി എല്ലാവരുടെയും സഹകരണത്തോടെ നടപ്പാക്കും. കേന്ദ്രത്തെ ഉൾപ്പെടുത്തിയാൽ അധിക സാമ്പത്തിക ബാധ്യത ഉണ്ടാകില്ല. ഡൽഹി മെട്രോ, കൊങ്കൺ റെയിൽവേ എന്നീ മാതൃക ആലോചിക്കാവുന്നതാണ്. കെ. റെയിൽവേണ്ട എന്നത് കോൺഗ്രസിന്‍റ അഭിപ്രായമായിരിക്കാം. എന്നാൽ ഉമ്മൻ ചാണ്ടി മുഖ്യമന്ത്രി ആയിരുന്ന കാലത്ത് ഹൈ സ്പീഡ് റെയിൽവേ ചർച്ച നടത്തിയിരുന്നുവെന്നും ശ്രീധരൻ പറഞ്ഞു.
ASASASAS
