സംസ്ഥാനത്ത് ഇന്ന് 7201 പേർക്ക് കോവിഡ്
തിരുവനന്തപുരം: സംസ്ഥാനത്ത് ഇന്ന് 7201 പേർക്ക് കോവിഡ്. 6316 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതിൽ 728 പേരുടെ സമ്പര്ക്ക ഉറവിടം വ്യക്തമല്ല. രോഗം സ്ഥിരീകരിച്ചവരില് 96 പേര് സംസ്ഥാനത്തിന് പുറത്ത് നിന്നും വന്നവരാണ്. ഇന്ന് 28 മരണങ്ങളും കോവിഡ് മൂലമാണെന്ന് സ്ഥിരീകരിച്ചു. ഇതോടെ ആകെ മരണം 1668 ആയി.നിലവിൽ 83,261 പേരാണ് കോവിഡ് ബാധിച്ച് ചികിത്സയിലുള്ളത്. ഇന്ന് 7120 പേർക്ക് രോഗ വിമുക്തിയുണ്ടായി. 3,95,624 പേര് ഇതുവരെ കോവിഡില് നിന്നും മുക്തി നേടി. കഴിഞ്ഞ 24 മണിക്കൂറിനിടെ 64,051 സാമ്പിളുകളാണ് പരിശോധിച്ചത്.
പോസിറ്റീവ് കേസുകൾ ജില്ല തിരിച്ച് എറണാകുളം 1042, കോഴിക്കോട് 971, തൃശൂര് 864, തിരുവനന്തപുരം 719, ആലപ്പുഴ 696, മലപ്പുറം 642, കൊല്ലം 574, കോട്ടയം 500, പാലക്കാട് 465, കണ്ണൂര് 266, പത്തനംതിട്ട 147, വയനാട് 113, ഇടുക്കി 108, കാസര്ഗോഡ് 94.
