ജില്ലാ പൊലീസ് മേധാവിയും ക്വാറന്റീനിൽ: വയനാട്ടിൽ നിരീക്ഷണത്തിലുള്ളത് 50 പൊലീസുകാർ
മാനന്തവാടി: മാനന്തവാടി പൊലീസ് േസ്റ്റഷനിലെ രണ്ട് പൊലീസുകാർക്ക് കൊവിഡ് സ്ഥിരീകരിച്ച സാഹചര്യത്തിൽ വയനാട് എസ്.പി ക്വാറന്റീനിലേക്ക് മാറി. േസ്റ്റഷനിൽ നിന്നും കൊവിഡ് ബാധിച്ചവരുടെ സന്പർക്കപ്പട്ടികയിൽ എസ്.പിയും ഉള്ളതിനെ തുടർന്നാണ് നടപടി. എന്നാൽ ഔദ്യോഗിക സന്പർക്ക പട്ടിക തയാറായിട്ടില്ല. മുൻകരുതലെന്നോണമാണ് നടപടി. ജില്ലയിൽ ജോലിയെടുത്ത 50 പൊലീസുകാരാണ് ആകെ ക്വാറന്റീനിലേക്ക് മാറിയത്. ഡിവൈഎസ്പിയുടെ അടക്കം സാന്പിൾ ഫലം ഇന്ന് വരും.
പൊലീസുകാർക്ക് കൊവിഡ് സ്ഥിരീകരിച്ച സാഹചര്യത്തിൽ േസ്റ്റഷനിലേക്ക് പൊതുജനങ്ങൾക്ക് പ്രവേശനമില്ല. പിപിഇ കിറ്റ് ധരിച്ച രണ്ടു പൊലീസുകാരും ഒരു ആരോഗ്യപ്രവർത്തകനും മാത്രമാണ് േസ്റ്റഷനിൽ ഉണ്ടാവുക. ഒഴിവാക്കാനാകാത്ത നടപടികൾ തീർക്കാനാണ് ഈ സംവിധാനം. േസ്റ്റഷൻ സന്പൂർണമായി അണുവിമുക്തമാക്കും. പരാതികൾ നൽകാൻ സമീപത്തെ പൊലീസ് േസ്റ്റഷനെ ആശ്രയിക്കണം. ഇമെയിൽ വഴിയും പരാതി നൽകാവുന്നതാണ്. അഡീഷണൽ എസ്.പിക്ക് പ്ര‌ത്യേക ചുമതല നൽകിയിട്ടുണ്ട്.
