കൂടത്തായി: മൃതദേഹങ്ങളുടെ രാസ പരിശോധന അമേരിക്കയിൽ; റോജോയെ വിളിച്ചുവരുത്തും
കോഴിക്കോട്: കൂടത്തായി കൊലപാതക പരന്പരയിൽ മൃതദേഹങ്ങളുടെ രാസപരിശോധനാ ഫലം അമേരിക്കയിൽ നടത്തും. മെറ്റോ കോൺഡ്രിയ ഡിഎൻഎ അനാലിസിസ് നടത്തുന്നതിനാണ് അന്വേഷണ സംഘത്തിന്റെ തീരുമാനം. ഇതിനായി റോയിയുടെ സഹോദരങ്ങളുടെ ഡി.എൻ.എ സാംപിള് എടുക്കും. മരണകാരണം കൃത്യമായി മനസിലാക്കുന്നതിനു വേണ്ടിയാണ് ഈ നീക്കം.
അതേ സമയം, കേസിൽ പരാതിക്കാരനായ കൊല്ലപ്പെട്ട റോയിയുടെ സഹോദരൻ റോജോയെ ചോദ്യം ചെയ്യുന്നതിനായി നാട്ടിലേക്ക് വിളിച്ചുവരുത്താനും ക്രൈംബ്രാഞ്ച് തീരുമാനിച്ചിട്ടുണ്ട്. നിലവിൽ അമേരിക്കയിലാണ് റോജോ. കേസിൽ മുഖ്യപ്രതി ജോളിയുടെ ബന്ധുക്കൾ ഉൾപ്പെടെ കൂടുതൽ പേർ നിരീക്ഷണത്തിലാണെന്നാണ് അന്വേഷണ ഉദ്യോഗസ്ഥർ നൽകുന്ന വിവരം.
