കല്ലട ബസിൽ യാത്രക്കാരിക്ക് നേരെ പീഡനശ്രമം: ഡ്രൈവർ പിടിയിൽ
കോഴിക്കോട്: കല്ലട ബസിൽ പീഡന ശ്രമം നടന്നതായി യുവതിയുടെ പരാതി. തമിഴ്നാട് സ്വദേശിനിയാണ് ബസ്സിന്റെ ഡ്രൈവർമാരിൽ ഒരാൾക്കെതിരെ പരാതി നൽകിയിരിക്കുന്നത്. ബസിന്റെ ഡ്രൈവർമാരിൽ ഒരാളാണ് യുവതിയെ പീഡിപ്പിക്കാൻ ശ്രമിച്ചത്. സ്ലീപ്പർ ക്ലാസിൽ കണ്ണൂരിൽ നിന്ന് കൊല്ലത്തേക്ക് യാത്ര ചെയ്യുകയായിരുന്നു യുവതി. ഈ ബസ് കോഴിക്കോട് എത്തിയപ്പോഴാണ് യുവതിയ്ക്ക് നേരെ പീഡനശ്രമം നടന്നത്. ബസ് മലപ്പുറം തേഞ്ഞിപ്പാലം പോലീസ് പിടിച്ചെടുത്തിട്ടുണ്ട്. പുലർച്ചെ രണ്ടരയോടെയാണ് സംഭവം.
ബസിന്റെ രണ്ടാം ഡ്രൈവർ യുവതിയെ കടന്നുപിടിക്കുകയായിരുന്നു. ഇതോടെ യുവതി ബഹളം വെച്ചു. ഇതുകണ്ട സഹയാത്രികർ ഡ്രൈവറെ പിടികൂടി പോലീസിന് കൈമാറി.
