19 ലക്ഷത്തിലധികം കുരുന്നുകൾക്ക് ഇന്ന് പോളിയോ തുള്ളിമരുന്ന് വിതരണം ചെയ്യും; വിപുലമായ ക്രമീകരണങ്ങളുമായി ആരോഗ്യവകുപ്പ്
ഷീബ വിജയൻ
സംസ്ഥാനത്തെ അഞ്ച് വയസിന് താഴെയുള്ള കുട്ടികൾക്ക് പോളിയോ തുള്ളിമരുന്ന് നൽകുന്നതിനുള്ള വൻ പദ്ധതിക്ക് ഇന്ന് തുടക്കമാവുകയാണ്. സംസ്ഥാനവ്യാപകമായി ആകെ 19,80,224 കുട്ടികൾക്കാണ് ഈ ഘട്ടത്തിൽ തുള്ളിമരുന്ന് വിതരണം ചെയ്യുന്നത്. തിരുവനന്തപുരം തൈക്കാട് മാതൃ-ശിശു ആശുപത്രിയിൽ വച്ച് രാവിലെ എട്ട് മണിക്ക് നടന്ന ചടങ്ങിൽ ബഹുമാനപ്പെട്ട മന്ത്രി കെ. മുരളീധരൻ പദ്ധതിയുടെ സംസ്ഥാനതല ഉദ്ഘാടനം നിർവഹിച്ചു.
കുഞ്ഞുങ്ങൾക്ക് സുരക്ഷിതമായി മരുന്ന് എത്തിക്കുന്നതിനായി 22,288 ബൂത്തുകളാണ് സംസ്ഥാനത്തുടനീളം സജ്ജമാക്കിയിട്ടുള്ളത്. ഇതുകൂടാതെ യാത്ര ചെയ്യുന്ന കുട്ടികൾക്കായി 539 ട്രാൻസിറ്റ് ബൂത്തുകളും, വിദൂര മേഖലകളിലേക്ക് 283 മൊബൈൽ ബൂത്തുകളും, ഉത്സവങ്ങളിലും മേളകളിലും എത്തുന്നവർക്കായി ഒമ്പത് പ്രത്യേക ബൂത്തുകളും ക്രമീകരിച്ചിട്ടുണ്ട്. ഏതെങ്കിലും കാരണവശാൽ ഇന്ന് ബൂത്തുകളിൽ എത്താൻ സാധിക്കാത്ത കുട്ടികൾക്കായി തിങ്കൾ, ചൊവ്വാ (29, 30) ദിവസങ്ങളിൽ ആരോഗ്യപ്രവർത്തകർ നേരിട്ട് വീടുകളിലെത്തി തുള്ളിമരുന്ന് നൽകുമെന്നും അധികൃതർ അറിയിച്ചു.
adsdasadsads
