ശുചിമുറിയെന്നു കരുതി എക്സിറ്റ് വാതിൽ തുറന്നു
ഇസ്ലാമാബാദ്: ശുചിമുറിയാണെന്നു തെറ്റിദ്ധരിച്ചു യുവതി എക്സിറ്റ് വാതില് തുറന്നതു പരിഭ്രാന്തി പരത്തി. ഉടനെ വിമാന ജീവനക്കാര് യാത്രക്കാരെ പുറത്തിറക്കി. യുകെയിലെ മാഞ്ചസ്റ്റർ വിമാനത്താവളത്തിൽ പാക്കിസ്ഥാൻ ഇന്റർനാഷനൽ എയർലൈൻസ് (പിഐഎ) വിമാനത്തിലാണു സംഭവം.
| നാൽപതോളം യാത്രക്കാരുമായി റൺവേയിൽ കിടക്കുകയായിരുന്നു പികെ 702 വിമാനം. ഇതിലെ യാത്രക്കാരി അബദ്ധത്തില് വിമാനത്തിന്റെ എക്സിറ്റ് വാതിൽ തുറന്നു. ഇതോടെ വിമാനത്തിലെ എമർജൻസി സംവിധാനങ്ങൾ പ്രവർത്തനക്ഷമമായി. പരിഭ്രാന്തരായ ജീവനക്കാര് യാത്രക്കാരെ അടിയന്തരമായി പുറത്തിറക്കി.മാഞ്ചസ്റ്ററിൽനിന്ന് ഇസ്ലാമാബാദിലേക്കു സർവീസ് നടത്തുന്ന വിമാനം ഇതേത്തുടർന്ന് 7 മണിക്കൂർ വൈകിയാണു പറന്നത്. സുരക്ഷാപ്രശ്നങ്ങൾ പരിശോധിച്ചു വിലയിരുത്താനാണ് ഇത്രയും സമയമെടുത്തത്. യാത്രക്കാർക്കു മറ്റു വിമാനങ്ങളിൽ സൗകര്യമൊരുക്കി കൊടുത്തതായി പിഐഎ വക്താവ് അറിയിച്ചു. |
