ഫിലിപ്പീൻസിൽ 6.9 തീവ്രതയിൽ ഭൂകമ്പം; 50തിലധികം പേർ മരിച്ചതായി റിപ്പോർട്ട്
ഷീബ വിജയൻ
മനില l മധ്യ ഫിലിപ്പീൻസിലെ സെബൂ മേഖലയിൽ ഭൂകമ്പം. ചൊവ്വാഴ്ച രാത്രി പ്രാദേശിക സമയം 10ഓടെയുണ്ടായ ശക്തമായ ഭൂകമ്പത്തിൽ 50ൽ അധികം പേർ മരിച്ചതായി എഎഎഫ്പി റിപ്പോർട്ട് ചെയ്തു. 30ലേറെ പേർക്കു പരിക്കേറ്റിട്ടുണ്ടെന്നും അധികൃതർ അറിയിച്ചു.
റിക്ടർ സ്കെയിലിൽ 6.9 തീവ്രത രേഖപ്പെടുത്തിയ ഭൂകമ്പത്തിൽ നിരവധി കെട്ടിടങ്ങൾ തകർന്നുവീണു. നാല് കെട്ടിടങ്ങളും ആറ് പാലങ്ങളും പൂർണമായി തകർന്നെന്ന് സെബു പ്രവിശ്യ അധികൃതർ അറിയിച്ചു. തകർന്ന കെട്ടിടങ്ങൾക്കടിയിൽപ്പെട്ടാണു മരണം.
സെബു പ്രവിശ്യയിലെ ബോഗോ നഗരത്തിന് ഏകദേശം 17 കിലോമീറ്റർ (10 മൈൽ) വടക്കുകിഴക്കായിരുന്നു ഭൂകമ്പത്തിന്‍റെ പ്രഭവകേന്ദ്രം. നാശനഷ്ടങ്ങളും തുടർചലനങ്ങളും ഉണ്ടാകുമെന്ന് ഫിലിപ്പീൻസ് ഇൻസ്റ്റിറ്റ്യൂട്ട് ഓഫ് വോൾക്കനോളജി ആൻഡ് സീസ്മോളജി അറിയിച്ചു.
rtet
