കേരളത്തിലെ ബാങ്കുകള്‍ നല്‍കുന്ന ഭവന വായ്പ കുത്തനെ കൂടുകയാണെന്ന് കണക്കുകള്‍
തിരുവനന്തപുരം: കേരളത്തിലെ ബാങ്കുകള്‍ നല്‍കുന്ന ഭവന വായ്പ കുത്തനെ കൂടുകയാണെന്ന് സംസ്ഥാനതല ബാങ്കേഴ്‌സ് കമ്മിറ്റിയുടെ 2015 ജൂണിലെ കണക്കുകള്‍ വ്യക്തമാക്കുന്നു. 2008 ഡിസംബറില്‍ കേരളത്തിലെ ബാങ്കുകള്‍ ഭവന മേഖലയ്ക്ക് നല്‍കിയത് 14,354.46 കോടി രൂപയായിരുന്നു. ഇത് 2015 ജൂണ്‍ മാസത്തോടെ 31,414 കോടി രൂപയായി ഉയര്‍ന്നു.
2008ല്‍ ബാങ്കുകള്‍ നല്‍കിയ ഭവനവായ്പയില്‍ 69.3 ശതമാനവും(9953.82 കോടി രൂപ) പൊതുമേഖലാ ബാങ്കുകളുടെ വിഹിതമായിരുന്നു. എന്നാല്‍ ഈ അനുപാതം 2015 ജൂണോടെ 64.2 ശതമാനമായി കുറഞ്ഞു(മൊത്തം ഭവനവായ്പയായ 31,414 കോടി രൂപയില്‍ 20,196.54 കോടി രൂപ). എന്നാല്‍ ഇക്കാലയളവില്‍ സ്വകാര്യമേഖല നല്‍കിയ ഭവനവായ്പ 3212.37 കോടി രൂപയില്‍ നിന്ന് 4025.6 കോടി രൂപയായി മാത്രമേ ഉയര്‍ന്നുള്ളൂ.
