ബഹ്‌റൈൻ കേരളീയ സമാജം ക്വിസ് പരിശീലന കളരി ആരംഭിച്ചു
മനാമ : ബഹ്‌റൈൻ കേരളീയ സമാജം ക്വിസ് ക്ലബ്ബിന്റെ ആഭിമുഖ്യത്തിൽ അഞ്ച് മുതൽ പന്ത്രണ്ടാം ക്ലാസുവരെയുള്ള കുട്ടികളെ ക്വിസ് മത്സരങ്ങളിൽ പരിശീലിപ്പിക്കുന്നതിനു വേണ്ടി ക്വിസ് പരിശീല കളരി ആരംഭിച്ചു. ആദ്യ ക്ലാസെടുത്തുകൊണ്ട് ഡോ. ബാബു രാമചന്ദ്രൻ ക്വിസ് പരിശീലന കളരിയുടെ ഉദ്‌ഘാടനം നിർവഹിച്ചു.
കുട്ടികൾക്കായി മാതൃകാ ക്വിസ് മത്സരവും നടത്തി. പങ്കെടുത്ത കുട്ടികൾക്ക് സർട്ടിഫിക്കറ്റുകളും സമ്മാനങ്ങളും നൽകി. സമാജം ആക്ടിംഗ് പ്രസിഡണ്ട് ആഷ്‌ലി ജോർജ്ജ്, ജനറൽ സെക്രട്ടറി എൻ.കെ വീരമണി, സാഹിത്യ വിഭാഗം സെക്രട്ടറി കെ.സി ഫിലിപ്പ്, ക്വിസ് ക്ലബ് കൺവീനർ രാജേഷ് നന്പ്യാർ എന്നിവർ ആശംസകൾ നേർന്ന് സംസാരിച്ചു.
