സ്വാതന്ത്ര്യദിനത്തിൽ പാകിസ്ഥാന് ആശംസകൾ അറിയിച്ച് ബഹ്റൈൻ
പ്രദീപ് പുറവങ്കര
മനാമ: പാകിസ്ഥാന്റെ സ്വാതന്ത്ര്യദിനത്തോടനുബന്ധിച്ച് ബഹ്റൈൻ രാജാവ് ഹമദ് ബിൻ ഈസ അൽ ഖലീഫ, പാകിസ്ഥാൻ ഇസ്ലാമിക് റിപ്പബ്ലിക് പ്രസിഡന്റ് ആസിഫ് അലി സർദാരിക്ക് ആശംസാ സന്ദേശം അയച്ചു. ഇരു രാജ്യങ്ങളും തമ്മിലുള്ള ദീർഘകാല സുഹൃദ്ബന്ധം അദ്ദേഹം സന്ദേശത്തിൽ വീണ്ടും ഊട്ടിയുറപ്പിച്ചു.
കിരീടാവകാശിയും പ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫ രാജകുമാരനും പ്രസിഡന്റ് സർദാരിക്ക് പ്രത്യേക ആശംസാ സന്ദേശം അയച്ചിട്ടുണ്ട്. കൂടാതെ, പാകിസ്ഥാൻ പ്രധാനമന്ത്രി മുഹമ്മദ് ഷെഹ്ബാസ് ഷെരീഫിനും അദ്ദേഹം ആശംസകൾ അറിയിക്കുകയും പ്രധാനമന്ത്രിക്കും പാകിസ്ഥാൻ ജനതയ്ക്കും തുടർച്ചയായ പുരോഗതിയും ഐശ്വര്യവും ആശംസിക്കുകയും ചെയ്തു.
പാകിസ്ഥാന്റെ 79-ാം സ്വാതന്ത്ര്യദിനത്തോടനുബന്ധിച്ച് ഷൂറ കൗൺസിൽ ചെയർമാൻ അലി ബിൻ സ്വാലിഹ് അൽ സ്വാലിഹ്, പാകിസ്ഥാൻ സെനറ്റ് ചെയർമാൻ സയ്യിദ് യൂസഫ് റാസ ഗീലാനിക്കും നാഷണൽ അസംബ്ലി സ്പീക്കർ സർദാർ അയാസ് സാദിഖിനും ആശംസാ സന്ദേശങ്ങൾ അയച്ചു.
ഇരു പാർലമെന്ററി നേതാക്കൾക്കും നല്ല ആരോഗ്യവും സന്തോഷവും ആശംസിച്ച അൽ സ്വാലിഹ്, പാകിസ്ഥാനിലെ ജനങ്ങൾക്ക് സുരക്ഷയും സ്ഥിരതയും വരുംദിനങ്ങളിൽ കൂടുതൽ പുരോഗതിയും ഉണ്ടാകട്ടെയെന്ന് പ്രത്യാശ പ്രകടിപ്പിച്ചു. ബഹ്റൈനും പാകിസ്ഥാനും തമ്മിലുള്ള ശക്തമായ ബന്ധത്തെക്കുറിച്ച് പരാമർശിച്ച അദ്ദേഹം, ഇരുരാജ്യങ്ങളുടെയും പൊതുവായ താല്പര്യങ്ങൾ സംരക്ഷിക്കുന്ന രീതിയിൽ വിവിധ മേഖലകളിൽ വളർന്നുവരുന്ന സഹകരണത്തിൽ അഭിമാനം പ്രകടിപ്പിക്കുകയും ചെയ്തു.
sdfsf
