കേരളാസർക്കാർ അഥവാ മാർത്താണ്ധൻ മെമ്മോറിയൽ ഉസ്ക്കൂൾ (എയിഡഡ്)
ശരശയ്യ - നിതിൻ നാങ്ങോത്ത്
മക്കളേ, പാരഡൈസ് പേപ്പേഴ്സിൽ പേരുള്ളവരുടേത് മാത്രമാണ് ഇനിയങ്ങോട്ട് ലോകം! പാവങ്ങളുടെ പടത്തലവൻ ക്ലീൻബൗൾഡ്.അനുപമമായ റിപ്പോർട്ട് കിടച്ചാലും ചെറുവിരലിന് അനക്കാദോഷം. ഒലക്കേലെ നാട്. കൈയേറ്റക്കാർക്ക് ചെങ്കോൽ കിട്ടിയാൽ നാടിന്റെ ഗതി ഗ്ലാനിർഭവതു ഫാരത!! നുമ്മ മലയാളീസിനെ പൂവിട്ട് തൊഴണം. അങ്കിൾബണ്ണിന് ഗ്യാസടുപ്പേലും ഷിറ്റാം.
പറുദീസാനഷ്ടം വരുത്തിയതിൽ പല സാമാജികരും ഖേദിക്കുന്നുണ്ടാവണം. ചെറിയൊരു സ്പെല്ലിങ് മിേസ്റ്റക്കിന് ചോന്ന വരയും പടിക്ക് പുറത്തും നാറ്റക്കേസും. കിലോമീറ്റേർസ് ആർ കിലോമീറ്റേഴ്സ് മണ്ണപ്പം ചുട്ടുവിളന്പിയ ആൾക്ക് സൂര്യകിരീടവും കവചകുണ്ധലവും. മാർത്താണ്ധൻ ലേക്ക് ചില്ലറക്കാരനല്ല. സംസ്ഥാനം മൊത്തം വിൽപ്പനയ്ക്ക് വെച്ചാലും റെഡി സീസി കൊടുത്ത് പ്രമാണത്തിലാക്കാനുളള കോപ്പുണ്ട്. വാട്ടർവേൾഡിന്റെ ഒരു ജലരാശിയേ!! ഭൂരഹിതർക്ക് ഫൂമി നൽകുന്നത് ഇങ്ങനെത്തന്നെ ആവണം. എല്ലാം കൃഷിയെ പ്രമോട്ട് ചെയ്യാൻ സർക്കാറിറക്കിയ വെണ്ണിലാ ചന്ദനക്കിണ്ണമാണ് മാർത്താണ്ധൻ കായലിൽ ചാലഞ്ച് നടത്തുന്നതെന്നോർക്കുന്പോഴാണൊരു റിലാക്സേഷൻ. സിപിഐയുടെ തലമണ്ടയ്ക്കടിക്കാനുളള ഗദയായി തത്പരകക്ഷികൾ കുവൈത്ത് മന്ത്രിയെ ഉപയോഗിച്ചു. േസ്റ്ററ്റ് ക്യാപ്റ്റനും നാഷണൽ ക്യാപ്റ്റനും ഒരുപോലെ കിട്ടിബോധിച്ചു. കാനവും റെഡ്ഡിയും പിന്നീട് ‘കമാ’ന്ന് രണ്ടക്ഷരം മിണ്ടീട്ടില്ല. ഇനിയങ്ങോട്ട് നിലവാരം നോക്കിയേ പ്രതികരിക്കൂ പോലും. എന്നാൽ മുന്നൂറ്റിഅറുപത്തഞ്ചേ കാലിലും അങ്ങുന്ന് ഉരിയാടാപ്പയ്യൻ ദക്ഷിണ കമിഴ്ത്തേണ്ടി വരും. വരാതിരിക്കാൻ ആശംസ.
ചതി, കൊതി, കൈയേറ്റം, ക്രൂരത, കൊള്ള, കൊലപാതകം തുടങ്ങിയ സദ്ഗുണങ്ങളുടെ ഉസാഘകളാണ് നമ്മുടെ നേതാക്കന്മാർ എന്ന് ജഡ്ജ് ചെയ്തത് ശരിയായി വരുന്നുണ്ട്. സാമാജികരിൽ സിംഹരും ക്രിമിനൽകേസിൽ മെന്പർഷിപ്പുളളവരാണ്. നീതി വിളന്പേണ്ട വക്കീൽ വരെ കൊലക്കേസിൽ അകത്താണ്. നീതി നിഷേധിക്കാനുള്ള മറയാണ് നമുക്ക് പലപ്പോഴും നമ്മുടെ കുപ്പായങ്ങൾ. വികാരങ്ങളും അതെ. എത്രമാത്രം ചടുലവാക്കുകളിൽ നമ്മൾ പൊട്ടിത്തെറിക്കുന്നുവോ അത്രമാത്രം ഇൻവോൾവ്ഡ് ആണ് എന്നർത്ഥം.
ബന്ധപ്പെട്ടവരെന്തിനാണ് ഡബിൾസ്റ്റാന്റെടുക്കുന്നത് എന്ന ലോജിക്ക് തിരിയണില്ല. പല വിഷയത്തിലും ധീരോദാത്തം ആക്ഷൻ നടപ്പിലാക്കിയവർ എന്തിനമാന്തിക്കുന്നു ചാണ്ടിക്കാര്യത്തിലെന്ന് ഒറിജിനൽ പാർട്ടിക്കാർ.മിനികൂപ്പർക്കാരും ജനജാഗ്രതാക്കാരും കൈയടിച്ചേക്കും. ന്യായീകരണം കീപാഡിൽ നിരത്തിയേക്കും. പക്ഷേ വിപ്ലവത്തിന്റെ തീച്ചൂളയിൽ ഉരുവം ചെയ്ത പരിപ്പുവട ദിനേശ്ബീഡി ജനറേഷൻ പൊറുക്കുവതെങ്ങനെ. മൂലധനവും മുതലാളിത്തവും എന്ന ചാപ്റ്ററെടുക്കുന്പോൾ പാർട്ടിക്ലാസിൽ ആബ്സന്റായത് അവരുടെ മാത്രം കുറ്റം.
വികസന വിരോധികൾ വിരട്ടിയാൽ മുട്ടിടിക്കുന്നതല്ല സർക്കാറിന്റെ ചരിത്രവും വർത്തമാനവും. മുക്കത്തുകാരുടെ റോഡുനമസ്കാരം ഒരുവഴിക്ക്. പ്രതിപക്ഷ പടക്കുറുപ്പിന്റെ “പാതക വാചകം” മറുവശത്ത്. കുമ്മനശല്യാദികളെ എന്തോ കാട്ടി തൽക്കാലം സബൂറാക്കിയിട്ടുണ്ട്. എട്ടിന്റെ പണികിട്ടിയതിന്റെ ഓർമ്മദിനമാണ് നാളെ.മറ്റന്നാൾ ഒറിജിനൽ ചാണ്ടീസ് ടീമിനുളള പണിയും കെണിയും മേശപ്പുറത്ത് മലർത്തും. ഒക്ടോബർ −നവംബർ വിപ്ലവങ്ങളുടെ രണസ്മരണകൾ മനോമുകുരത്തിൽ വിജൃംഭിക്കുന്ന ടൈമാണ്. എത്രയോ മികച്ച സേവനപദ്ധതികൾ പുത്തനുടുപ്പുമിട്ട് ഗ്രീൻ റൂമിൽ റെഡിയാണ്. വികസനത്തിന്റെ പേരിൽ പെറ്റതള്ളയുടെ കഴുത്തറുത്താലും, ഈയിടെ പിഎസ്്സി വഴി നിയമനം നേടിയ ലക്ഷക്കണക്കിന് ന്യായീകരണതൊഴിലാളികൾ വാളിലുണ്ടാവും (സൈബർ ചുമർ) ആഷിക്ക് അബുവായാലും ചിന്താജറോമായാലും കമലഹാസനായാലും അവർ ബർലിൻ മതിലൊരുക്കും. കടകംപള്ളി ശരണം വിളിച്ചാലും കോടിയേരി പുഷ്പകവിമാനമേറിയാലും ബാലൻമന്ത്രി കവടിനിരത്തിയാലും റാൻ മൂളും. എല്ലാം പണം നടത്തും ഇന്ദ്രജാലപ്രകടനങ്ങൾ!! അന്നവിചാരം മുന്ന വിചാരം. പണക്കാരന്റെ അന്നവും താമസവും കൈപ്പറ്റിയവരുടെ അണ്ണാക്കും മണ്ണിട്ട് നികത്തപ്പെട്ടു കാണുമല്ലോ ?
