ഒമാനിൽ വാഹനാപകടം: രണ്ടു മലയാളികൾ മരിച്ചു

മസ്കത്ത്: ഒമാനിലുണ്ടായ വാഹനാപകടത്തിൽ രണ്ടു മലയാളികൾ മരിച്ചു. പാലക്കാട്, തൃശ്ശൂർ സ്വദേശികളാണ് മരിച്ചത്. പാലക്കാട് സ്വദേശി അബ്ദീൻ, തൃശ്ശൂർ സ്വദേശി ഷാനവാസ് എന്നിവരാണ് മരിച്ചത്. ഒമാൻ തലസ്ഥാനമായ മസ്കത്തിലാണ് അപകടം ഉണ്ടായത്. മസ്കത്ത് സമയം പുലർച്ചെ 1.30 ഓടെയാണ് അപകടം ഉണ്ടായത്. അൽ ഖൗദിലാണ് അപകടം ഉണ്ടായത്.
അൽ ഖൗദിൽ ഡെലിവറി ബോയ്സ് ആയി ജോലി ചെയ്തു വരികയായിരുന്നു അബ്ദീനും ഷാനവാസും. ഇന്നലെ ഡെലിവറി ഐറ്റവുമായി പോകുമ്പോഴാണ് അപകടം ഉണ്ടായതെന്നാണ് വിവരം. മൃതദേഹങ്ങൾ ഇപ്പോൾ അൽ ഖൗദിലെ ആശുപത്രിയിൽ സൂക്ഷിച്ചിരിക്കുകയാണ്.