ലോകത്ത് കോവിഡ് ബാധിച്ച് മരിച്ചവരുടെ എണ്ണം ഒന്നരലക്ഷം കടന്നു
ലോകത്താകെ കോവിഡ് ബാധിച്ച് മരിച്ചവരുടെ എണ്ണം ഒന്നരലക്ഷം കടന്നു. ജോൺസ് ഹോപ്കിൻസ് യൂണിവേഴ്സിറ്റി കണക്ക് പ്രകാരം 1,53,822 പേരാണ് ഇതുവരെ മരണപ്പെട്ടത്. രോഗബാധിതരുടെ എണ്ണം 2,240,191 ആയി ഉയർന്നു. ഇതിൽ 5,68,343 പേർക്ക് പൂർണമായും രോഗം ഭേദമായി. രോഗബാധിതരുടെ എണ്ണത്തിൽ ബഹുദൂരം മുന്നിലുള്ള അമേരിക്കയിൽ രോഗികൾ ഏഴ് ലക്ഷം കടന്നു.
മരണസംഖ്യ 37,000ത്തിനോട് അടുക്കുന്നു. കഴിഞ്ഞ 24 മണിക്കൂറിനുള്ളിൽ മാത്രം അമേരിക്കയിൽ 2535 പേർ മരിച്ചു. 30,000ത്തിലേറെ പുതിയ കേസുകളും റിപ്പോർട്ട് ചെയ്തു. ഇറ്റലിയിൽ മരണം 22,745 ആയി. രോഗബാധിതർ 1.72 ലക്ഷം കടന്നു. സ്പെയ്നിൽ മരണം 20,000 കടന്നു. രോഗികൾ രണ്ട് ലക്ഷത്തിലേക്ക് അടുക്കുന്നു. ഫ്രാൻസിൽ 18,641 പേരും ബ്രിട്ടണിൽ 14,576 പേരും കോവിഡ് ബാധിച്ച് മരിച്ചു.
