4ജി വിപ്ലവത്തിനു ശേഷം ജിയോ പുതിയ തരംഗത്തിന്
മുംബൈ: ടെലികോം രംഗത്ത് 4ജി വിപ്ലവം സൃഷ്ടിച്ച റിലയന്സ് ജിയോ പുതിയ തരംഗത്തിന് ഒരുങ്ങുന്നു. സെക്കന്റില് പരമാവധി ഒരു ജിബി വരെ ഡാറ്റാ വേഗത നല്കുന്ന ബ്രോഡ്ബാന്ഡ് സര്വീസ് ആണ് ജിയോ അവതരിപ്പിക്കുന്നത്.
പുതിയ സര്വീസ് എന്ന് അവതരിപ്പിക്കും എന്നത് സംബന്ധിച്ച് തീരുമാനമായിട്ടില്ല. അടുത്ത ഒരു വര്ഷത്തിനുള്ളില് പുതിയ സേവനം നിലവില് വന്നേക്കും. രാജ്യത്തെ തെരഞ്ഞെടുക്കപ്പെട്ട മേഖലകളില് സര്വീസ് പരീക്ഷണടിസ്ഥാനത്തില് അവതരിപ്പിക്കുമെന്നും റിപ്പോര്ട്ടുകളുണ്ട്.
ഫൈബര് ടു ഹോം സര്വീസിനെ അടിസ്ഥാനമാക്കിയാണ് ജിയോയുടെ പുതിയ പദ്ധതി.എഫ്ടിടിച്ച് സര്വീസിലൂടെ വണ് ജിബിപിഎസ് വേഗതയില് ഇന്ത്യയില് ബ്രോഡ്ബാന്ഡ് ഇന്റര്നെറ്റ് അവതരിപ്പിക്കാനാണ് ജിയോയുടെ നീക്കം.
ജിയോയുടെ പുതിയ നീക്കം. ബ്രോഡ്ബാന്ഡ് കണക്ഷനൊപ്പം ഉപഭോക്താവിന് ഒരു സെറ്റ്ടോപ്പ് ബോക്സും ആന്ഡ്രോയിഡ് സ്മാര്ട്ട്ബോക്സും ലഭിക്കും.
ജിയോ ടിവിക്കായുള്ള സെറ്റ്ടോപ്പ് ബോക്സ് റൗട്ടറായും പ്രവര്ത്തിക്കും. ഇതുവഴി 44 ഡിവൈസുകള് വരെ ഒരേ സമയത്ത് കണക്ട് ചെയ്യാം. 350 ചാനലുകളാണ് ജിയോ ടിവിയിലൂടെ ലഭ്യമാക്കുക. ഇതില് അമ്പതോളം ചാനലുകള് എച്ച്ഡി ആയിരിക്കും. ടിവി പരിപാടികള് ഏഴ് ദിവസം വരെ സേവ് ചെയ്യാനും സാധിക്കും.
ജിയോ മീഡിയാ ഷെയര് എന്ന ആപ്പും ജിയോ അവതരിപ്പിക്കാന് തയ്യാറെടുക്കുന്നുണ്ട്. പേര് സൂചിപ്പിക്കുന്നത് പോലെ പല തരം ഡിവൈസുകളില് മീഡിയയെ ഷെയര് ചെയ്യാനാണ് ഈ ആപ്പ്. ടിവി,ലാപ്ടോപ്, മൊബൈല് ഫോണ് എന്നിങ്ങനെ 5 ഉപകരണങ്ങളില് വരെ ഇത് കണക്ട് ചെയ്ത് വീഡിയോയോ പാട്ടോ പ്ലേ ചെയ്യാന് കഴിയും.
