നൂറ് ദിനാറിൽ കുറഞ്ഞ സാന്പത്തിക ബാധ്യത ഉള്ളവരെ യാത്രാ വിലക്കിൽ നിന്ന് ഒഴിവാക്കും
കുവൈത്ത് സിറ്റി : രാജ്യത്ത് 100 ദിനാറിൽ കുറഞ്ഞ സാ ന്പത്തിക ബാധ്യതയുള്ളവരെ യാത്രാവിലക്കിൽ നിന്ന് ഒഴിവാക്കും. സാന്പത്തിക ഇടപാടുമായി ബന്ധപ്പെട്ടു യാത്രാവിലക്ക് വ്യാപകമായ സാഹചര്യത്തിലാണ് 100 ദിനാർ വരെ കുടിശികയുള്ളവരെ യാത്രാവിലക്കിൽ നിന്ന് ഒഴിവാക്കുമെന്ന് കഴിഞ്ഞ ദിവസം ഉത്തരവിറക്കിയത്. അതേസമയം ഈ ഉത്തരവ് കോടതിയിൽ കേസുകൾ നില നിൽക്കുന്നവർക്ക് ബാധകമാകില്ല. നീതിന്യായ −പാർലമെന്ററികാര്യ മന്ത്രി ഡോ. ഫാലിഹ് അൽ അസബ് അറിയിച്ചതാണ് ഈ വിവരം.
അര ദിനാർ കുടിശികയായാലും യാത്രാവിലക്ക് എ ന്നതായിരുന്നു നേരത്തേയുള്ള വ്യവസ്ഥ. കോടതിവിധി പ്രകാരമുള്ള പിഴ കുടിശികയ്ക്കു പുറമേ സർക്കാരിലേക്ക് വിവിധ ആവശ്യങ്ങൾക്കായി അടയ്ക്കേണ്ടുന്ന തുക യിലെ കുടിശ്ശിക വരെ യാത്രാവിലക്കിന് കാരണമാകുന്നവയാണ്. 100 ദിനാർ വരെ യാത്രാവിലക്ക് ഉണ്ടാകില്ലെന്നത് കോടതി ഫീസ്, വിവിധതരം നിയമ ലംഘനങ്ങളുടെ പേരിൽ ചുമത്തുന്ന പിഴ, സേവനങ്ങൾക്ക് പകരം സർക്കാരിന് ലഭിക്കേണ്ട തുക തുടങ്ങിയവയുടെ കാര്യത്തിൽ മാത്രമായിരിക്കുമെന്ന് മന്ത്രി പറഞ്ഞു. എന്നാൽ യാത്രാ വിലക്ക് കോടതി വിധി പ്രകാരമുള്ളതാണെങ്കിൽ എത്ര കുറഞ്ഞ തുകയുടേതാണെങ്കിലും തുക അടച്ചാൽ മാത്രമേ യാത്ര അനുവദിക്കുകയുള്ളൂവെന്നും മന്ത്രി അറിയിച്ചു.
