സരസ്വതി സമ്മാന്‍ കവി പ്രഭാവര്‍മ്മയ്ക്ക്
കെ.കെ.ബിര്‍ല ഫൗണ്ടേഷന്‍റെ സാഹിത്യ പുരസ്കാരമായ സരസ്വതി സമ്മാന്‍ കവി പ്രഭാവര്‍മ്മയ്ക്ക്. രൗദ്രസാത്വികം എന്ന കാവ്യാഖ്യായികയ്ക്കാണ് പുരസ്കാരം. 12 വര്‍ഷത്തിനു ശേഷമാണ് മലയാളത്തിന് പുരസ്കാരം ലഭിക്കുന്നത്. 15 ലക്ഷം രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്കാരം.
22 ഭാഷകളില്‍നിന്നുള്ള ഗ്രന്ഥങ്ങളാണ് പുരസ്കാരത്തിനായി പരിഗണിച്ചത്. 2012ല്‍ സുഗതകുമാരിക്കാണ് മലയാള സാഹിത്യത്തില്‍നിന്ന് പുരസ്കാരം ഒടുവില്‍ ലഭിച്ചത്. ലളിതാംബിക അന്തര്‍ജനം, ബാലാമണിയമ്മ തുടങ്ങിയവര്‍ക്കും നേരത്തേ പുരസ്കാരം ലഭിച്ചിട്ടുണ്ട്.
DDFDFSDFSDF
