നക്സൽ വര്ഗീസിന്റെ കുടുംബത്തിന് 50 ലക്ഷം രൂപ സര്ക്കാർ നഷ്ടപരിഹാരം നൽകും
തിരുവനന്തപുരം: തിരുനെല്ലി കാട്ടില് പോലീസ് വെടിയേറ്റു മരിച്ച നക്സൽ വര്ഗീസിന്റെ സഹോദരങ്ങളായ മറിയക്കുട്ടി, അന്നമ്മ, എ.തോമസ്, എ.ജോസഫ് എന്നിവര്ക്ക് സെക്രട്ടറിതല സമിതി ശുപാര്ശ ചെയ്ത 50 ലക്ഷം രൂപ നഷ്ടപരിഹാരമായി അനുവദിക്കാന് മന്ത്രിസഭാ യോഗം തീരുമാനിച്ചു. 1970 ഫെബ്രുവരി 18നാണ് വര്ഗീസ് കൊല്ലപ്പെട്ടത്. വര്ഗീസിനെ പോലീസ് കൊലപ്പെടുത്തിയതാണെന്ന് തെളിഞ്ഞതിനെ തുടര്ന്ന് ബന്ധുക്കള് നഷ്ടപരിഹാരത്തിന് ഹൈക്കോടതിയെ സമീപിച്ചിരുന്നു. സര്ക്കാരിന് ഇത് സംബന്ധിച്ച് നിവേദനം നല്കാനായിരുന്നു ഹൈക്കോടതി നിര്ദേശിച്ചത്.
